އައްޑޫ ސިޓީ ލިންކް ރޯޑްގައި ދުއްވާފައި ދިޔަ ކާރެއްގައި މިއަދު ރޯވެއްޖެ އެވެ.
ޕްރައިވެޓް ކާރެއްގައި ހިނގި މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
މި ހާދިސާ ހިނގި ސަރަހައްދުގައި ހުރި 'އައްޑޫލައިވް' ގެ ނޫސްވެރިޔާ ބުނި ގޮތުގައި ރޯވެފައި ވަނީ ކާރު އޯވާ ހީޓްވެގެން ކަމަށެވެ. ކާރުގެ ޑޭޝް ބޯޑާއި ދިމާލުން ތިރީގައި ރޯވުމާއި އެކު ކާރު ދުއްވަން ހުރި މީހާ ވަނީ ކާރުން ފައިބައިފައެވެ.
މި ހާދިސާގައި ކާރުގެ ޑޭޝް ބޯޑް ވިރުން ފިޔަވައި އިތުރު ގެއްލުމެއް ކާރަށް ލިބިފައެއް ނުވެއެވެ.
ރުއްޖެހެރަ ސަރަހައްދުން ދުއްވާފައި ދިޔަ ކާރެއްގައި ރޯވެ އަނދަމުންދާ ކަމުގެ ރިޕޯޓް ކުރުމާ އެކު އެމްއެންޑީއެފް ސަދަން އޭރިއާގެ ފަޔަ އެންޑް ރެސްކިއު ސާވިސްގެ އަލިފާން ނިއްވާ މީހުން ވަނީ އެ ސަރަހައްދަށް ގޮސް ކާރުގައި ރޯވި އަލިފާންގަނޑު ނިއްވާލައިފަ އެވެ.