ރައީސް އަބްދުﷲ ޔާމީނަކީ އަޅުގަނޑުމެންގެ ޖާނީ ދުޝްމަނެއް ނޫން ކަމަށާއި ދެކޮޅު ހަދަނީ އެމަނިކުފާނުގެ ނޭއްގާނީ ސިޔާސަތުތަކަށް ކަމަށް ތިމަރަފުށީ ދާއިރާގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ މިހެން ވިދާޅުވެފައިވަނީ އިއްޔެ ރައީސުލް ޖުމުހޫރިއްޔާގެ ދެކަނބަލުންނާއި އީދު ސަލާން ކުރެއްވުމަށްފަހު ގިނަ ބަޔެއްގެ ފާޑުކިޔުންތައް މުސްތަފާއަށް އަމާޒުވެފައިވާ ދަނޑިވަޅެއްގައެވެ.
އޭގެ ފަހުން މުސްތަފާ ވަނީ ރޭ ރައީސްއާއެކު އީދު ސަލާން ކުރައްވާ ފޮޓޯ އެއް ޓުވިޓާގައި ޝާއިއު ކުރުމަށްފަހު ސިޔާސީ ގޮތުން ހައްޔަރު ކޮށްފައިވާ މީހުން ދޫކޮށްލުމަށް ރައީސްއަށް ގޮވާލާފައެވެ.
Siyaasee kankamaai gulhigen Jalah levifaivaa faraaiythah Eid ufalugai baiveri kurumah Minivan kohdhinumah RY ah govaalan. pic.twitter.com/gcsrKVisZv
— Mohamed Musthafa (@Thimarafushi) June 25, 2017
އެމްޑީޕީ ޓިކެޓުގައި ތިމަރަފުށީ ދާއިރާގެ ގޮނޑި ކާމިޔާބުކުރެއްވުމަށްފަހު މުސްތަފާ ވަނީ ޕީޕީއެމްއަށް ސޮއި ކުރައްވާފައެވެ. ނަމަވެސް ދާދި އަވަހަށް މުސްތަފާ ވަނީ ސަރުކާރުގެ ސިޔާސަތުތަކަށް ފާޑުކިޔަން ފަށާފައެވެ. ޕީޕީއެމް ދެބައިވެ ރައީސް މައުމޫން ރައީސް ޔާމީނަށް ކުރެއްވި ސަޕޯޓު ނަންގަވައި އެއްކައިރި ވެލެއްވުމުން މުސްތަފާ ވަނީ ރައީސް މައުމޫނަށް ބައިއަތު ހިފާފައެވެ.