އިންޑިއާގެ ޓްރިވެންޑްރަމް އިންޓަނޭޝަނަލް އެއާޕޯޓުން މަސްތުވާތަކެއްޗާއެކު ދިވެއްސަކު ހައްޔަރުކޮށްފި އެވެ.
އުމުރުން 25 އަހަރުގެ ލުތުފީ މުހައްމަދު ކިޔާ މިމީހާގެ އަތުން 700 ގްރާމްގެ ހަޝިޝް އޮއިލް ޕެކެޓް ފެނިފައިވާކަމަށް އިންޑިއާގެ ނޫސްތަކުގައި ރިޕޯޓުކޮށްފައިވެއެވެ.
މިތަކެތި ފެނިފައިވަނީ އެއާޕޯޓުގެ އޭވިއޭޝަން ސެކުއިރިޓީ އިން އޭނާ ބަލައި ފާސްކުރިއިރު ފައިގެ ފަލަމަސްގަނޑުގައި ފޮރުވާފައި ހުއްޓައެވެ.
މި މަސްތުވާތަކެތީގެ މަގުމަތީ އަގު އެއްލައްކަ ރުފިޔާއަށް އަރާނެ ކަމަށް މައުލޫމާތު ލިބެއެވެ.