ފިތުނަވެރިންގެ ރޭވުންތަކުން ގައުމާއި ރައްޔިތުން ހިމާޔަތް ކުރުމަކީ ގައުމީ ވާޖިބެއް ކަމަށް އިކޮނޮމިކްސް މިނިސްޓަރ މުހައްމަދު ސައީދު ވިދާޅުވެއްޖެއެވެ.
ބަންޑާރަ ނައިބްގެ ފަރާތުން ދުސްތޫރީ މައްސަލައެއް ސްޕްރީމް ކޯޓަށް ހުށަހަޅުއްވާފައިވަނިކޮށް ސައީދު މިއަދު ކުރެއްވި ޓްވީޓެއްގައި ވިދާޅުވީ ފިތުނަވެރިންގެ ރޭވުންތަކުން ގައުމާއި ރައްޔިތުން ހިމާޔަތް ކުރުމަކީ ގައުމީ ވާޖިބެއް ކަން ސްޕްރީމް ކޯޓުން މީގެ ކުރިންވެސް ސާބިތު ކަމާއިއެކު ދައްކަވާފައިވާ ކަމަށެވެ.
Fithunaveringe reyvunthakun gaumai rayyithun himayaiy kurun eiee gaumee vajibekkan SC vanee meege kurinves saabithukamaai eku dhakkavaafai??
— Mohamed Saeed (@em_saeed) July 13, 2017
ރައްޔިތުންގެ މަޖްލިސްގެ ރައީސްގެ އިތުބާރު ނެތްކަމުގެ މައްސަލަ މަޖްލިސްއަށް ހުށަހަޅާފައިވާ އިރު އެމައްސަލަ އާއި ގުޅިގެން މަޖްލިސްގައި ސަރުކާރު ހިންގާ ޕާޓީން ދަމަހައްޓަމުން އައި މެޖޯރިޓީ މިދިޔަ ހަފްތާ ތެރޭގައި މަޖްލިސްއަށް ވަނީ ގެއްލިފައެވެ. އަދި އެއާއި އެކު ކުއްލި ދުސްތޫރީ މައްސަލައެއް މިވަނީ ސްޕްރީމް ކޯޓަށް ހުށަހެޅިފައެވެ.
ބަންޑާރަ ނައިބް ހުށަހަޅާފައިވާ ދުސްތޫރީ މައްސަލާގައިވަނީ މަޖްލިސް މެމްބަރުންގެ ޕާޓީ ބަދަލު ކުރުމުން އެ މެމްބަރެއްގެ މަޖްލިސް ގޮޑި ގެއްލޭގޮތަށް ކަނޑައަޅައި ދިނުމަށެވެ.