މިއަދަކީ ރާއްޖޭގެ ޑިމްކޮރަސީ ހަޔާތުގެ ކަޅު ދުވަހެއް ކަމަށާއި ނަމަވެސް އެކަމާއި ހާސް ނުވުމަށް ކުރީގެ ރައީސް އަދި ޕީޕީއެމްގެ އިންތިހާބީ ރައީސް އަލް އުސްތާޒު މައުމޫން އަބްދުލް ގައްޔޫމް ވިދާޅުވެއްޖެއެވެ.
މައުމޫން މިރޭ ކުރެއްވި ޓްވީޓެއްގައި ވިދާޅުވީ "މިއަދަކީ ރާއްޖޭގެ ޑިމްކޮްރަސީ ހަޔާތުގައި ކަޅު ދުވަހެއް ކަމަށާއި ނަމަވެސް އެކަމާއި ހާސް ވާން ނުޖެހޭ ކަމަށާއި ރައްޔިންގެ ކޮޅު މޮޅުވާނެ ކަމަށާއި ބަލިވާނީ ހުދުމުހުތާރު ވެރިން ކަމަށެވެ.
A black day for democracy in Malidives. No worries. People will always win. Dictatorships will always fail.
— Maumoon Abdul Gayoom (@maumoonagayoom) July 13, 2017
މައުމޫން މިފަދައިން ވިދާޅުވެފައި ވަނީ ރައްޔިތުންގެ މަޖިލީހުގެ މެމްބަރުން އިންތިހާބްވި ޕާޓީން ވަކިވެ، އެހެން ޕާޓީއަކާއި ގުޅިއްޖެ ނަމަ މަޖްލިސްގެ ގޮޑި ގެއްލޭ ގޮތަށް ކަނޑައަޅައި ދިނުމަށް ބަންޑާރަ ނައިބް ސްޕްރީމް ކޯޓަށް ހުށަހެޅުއްވި މައްސަލަ ބަންޑާރަ ނައިބް އެދުނު ގޮތަށް ހުކުމް ކުރައްވާފައި ވަނިކޮށެވެ.
ދުސްތޫރީ މައްސަލައެއްގެ ގޮތުގައި ކޯޓަށް ހުށަހެޅުއްވި މި މައްސަލަ ސްޕްރީމް ކޯޓުން ނިންމީ އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އާދަމް މުހައްްމަދާއި ފަނޑިޔާރު ޑރ. އަހުމަދު އަބްދުﷲ ދީދީ ހިމެނި ވަޑައިގަންނަވާ ބެންޗަކުންނެވެ.