ދިވެހި ގައުމާއި ރައްޔިތުންގެ ހައްގުގައި ނިންމަން ޖެހޭ ކަމެއް ނިންމުމުގައި ފަސް ނުޖެހޭނެކަން މިއަދު ސްޕްރީމް ކޯޓުން ސާބިތުކޮށްދީފި ކަމަށާއި އެކަމަށްޓަކައި ސްޕްރީމް ކޯޓަށް ޕީޕީއެމްގެ ނައިބް ލީޑަރ އަބްދުއް ރަހީމް އަބްދުﷲ (އަދުރޭ) މަރުހަބާ ދަންނަވައިފިއެވެ.
Dhivehi gaumaai Rayyithun ge haggugai ninman jehey kameh ninmumugai fasnujeheyne kan SC in mi'adhu saabithu koh dhehvaifi.Marhabaa SC!.IA
— Abdul Raheem Abdulla (@Banafsaa) July 13, 2017
އަދުރޭ މިހެން ވިދާޅުވީ ރައްޔިތުންގެ މަޖިލީހުގެ މެމްބަރުން އިންތިހާބްވި ޕާޓީން ވަކިވެ، އެހެން ޕާޓީއަކާއި ގުޅިއްޖެ ނަމަ، ނުވަތަ ޕާޓީން ވަކިކޮށްފި ނަމަ މަޖްލިސްގެ ގޮޑި ގެއްލޭ ގޮތަށް ކަނޑައަޅައި ދިނުމަށް ބަންޑާރަ ނައިބް ސްޕްރީމް ކޯޓަށް ހުށަހެޅުއްވި މައްސަލަ ބަންޑާރަ ނައިބް އެދުނު ގޮތަށް ހުކުމް ކުރައްވާފައި ވަނިކޮށް ކުރެއްވި ޓްވީޓެއްގައެވެ.
އަދުރޭ ވަނީ މީގެ ކުރިންވެސް ބުނެފައިވަނީ މަޖްލިސް މެމްބަރު ރައްޔިތުން އިންތިހާބް ކުރި ޕާޓީ ބަދަލުކޮށްފި ނަމަ ގޮޑި ގެއްލެން ޖެހޭކަމަށް އަބަދުވެސް ދެކޭ ކަމަށެވެ.
Majileehuge Member kamah Rayyithun inthikh'aab kuri Party badhalu kurumakee godi gehlen jehey kameh kamah Abadhuves alhugadu gaboolu kuran.
— Abdul Raheem Abdulla (@Banafsaa) July 10, 2017
ސްޕްރީމް ކޯޓުގެ ހުކުމާއި ގުޅިގެން ސަރުކާރުގެ ވަޒީރުންނާއި މަޖްލިސްގެ ޕީޕީއެމްގެ މެމްބަރުންނާއި ޕާޓީގެ ސަޕޯޓަރުން ދަނީ އުފާ ފާޅު ކުރަމުންނެވެ.