މިސަރުކާރުގެ ގޭމް ޕްލޭނަކީ މެޗު މެދުތެރެއިން ގަވާއިދު ބަދަލުކޮށް ގޯލު ހުރި ތަނުން ގޯލު ވެސް ނެގުން ކަމަށް ކުރީގެ ރައީސް މައުމޫންގެ ދަރިކަނބަލުން ޔުމްނާ މައުމޫން ވިދާޅުވެއްޖެ އެވެ.
ޓުވީޓާގައި ރައީސް ޔާމީން ދިފާއުކުރައްވައި ކުރި ޓުވީޓަކަށް ރައްދު ދެއްވަމުން ޔުމްނާ ވިދާޅުވެފައިވަނީ އެވަރުންވެސް ބަލިވާނެހެން ހީވާތީ ދެން ޖެހުނީ މެޗު ކުޅުމަށް އަރާ ތިބި ކުޅުންތެރިން ބަންދުކުރަން ކަމަށެވެ.
Match medhutherein gavaaidhuthah badhalukoh, goal hurithan ves badhalu kury. 1/2 https://t.co/7WcijiJGzg
— Yumna Maumoon (@yumna_maumoon) July 21, 2017
ޔުމްނާގެ ފާޑުކިޔުންތައް ސަރުކާރަށް އަމާޒުވެފައިވަނީ އިދިކޮޅު މެމްބަރުން މަޖިލީހުގެ ރައީސް މަސީހުގެ އިތުބާރު ނެތްކަމުގެ ވޯޓަށް 45 މެމްބަރުންގެ ސޮޔާއެކު ހުށައަޅާފައިވަނިކޮށް މައްސަލަ ބޭރުކުރުމާއި ގުޅިގެން ކަމަށް ބެލެވެއެވެ.
Evarunves balivaane hen heeveema kulhuntherin bandhu kuran feshy. Hurihaa kulhuntherin bandhu kurun tho game plan aky? 2/2
— Yumna Maumoon (@yumna_maumoon) July 21, 2017
އަދި ޔުމްނާގެ ކޮއްކޯފުޅު އަދި ދިއްގަރު ދާއިރާގެ މެމްބަރު އަހުމަދު ފާރިސް މައުމޫން ހައްޔަރުކޮށްގެން ޖަލުގައި ބަންދުކުރުމުން އެކަމަށްވެސް ފާޑުވިދާޅުވެފައިވެއެވެ. ފާރިސްގެ ގާނޫނީ ޓީމުން ބުނެފައިވަނީ ފާރިސް ހައްޔަރު ކުރުމަށް އަމުރު ނެރެފައިވަނީ ގާނޫނާއި ޚިލާފަށް ކަމަށެވެ.