ގއ. ވިލިނގިލީ ދާއިރާގެ މެމްބަރު ކަމުގައި ހުންނަވަނިކޮށް މަޖްލިސް ގޮޑި ގެއްލިފައިވާ ކަމަށް އިލެކްޝަން ކަމިޝަނުން ނިންމާފައިވާ ސައުދު ހުސެއިން ހޯދުމަށް ފުލުހުން އާއްމުކޮށް އިއްލާންކޮށްފިއެވެ.
Fuluhun thahuqeeq kuramundhaa massala akaai gulhigen meehaku hoadhanee https://t.co/J002fPCS4x pic.twitter.com/UVxcVZxfJ9
— Maldives Police (@PoliceMv) July 27, 2017
ސައުދު ހޯދުމަށް ފުލުހުން އާއްމުކޮށް އިއްލާން ކޮށްފައި މިވަނީ މީގެ ދެ ދުވަސް ކުރިން ކޯޓު އަމުރެއްގެ ދަށުން ސައުދު ހައްޔަރު ކުރުމަށްފަހު ކޯޓު އަމުރުގައި މައްސަލައެއް ހުރެގެން ދޫކޮށްލުމަށްފަހުއެވެ.
ސައުދު ހައްޔަރު ކުރުމަށް ކްރިމިނަލް ކޯޓުން ނެރުނު އަމުރުގެ ހުލާސާގައި ލިޔެފައި އޮތީ މެމްބަރު އަމީތުގެ ވާހަކައެވެ. އެހެންވެ ހައްޔަރު ކުރުމުގެ އިޖުރާތާއި ހިލާފުވެފައި އޮތުމުން ސައުދު ވަނީ ދޫކޮށްލާފައެވެ.
ސައުދު ހޯދުމަށް މަސަތްކަތް ކުރަނީ އިދިކޮޅު މަޖިލިސް މެންބަރުން ފުލުހުންގެ ސަފު ފޫއަޅުވާލައި މަޖިލީހުގެ ގޯތިތެރެއަށް ވަތް މައްސަލާގަ އެވެ.
ސައުދު ހޯދުމަށް އިއްލާން ކޮށްފައިވާ އިރު ބުރާސްފަތި ދުވަހުގެ ރޭ މަޑުއްވަރީ ދާއިރާގެ މެމްބަރު ކަމުގައި ހުންނަވަނިކޮށް ގޮޑި ގެއްލުނު ކަމަށް އިލެކްޝަނުން ނިންމާފައިވާ އަމީތުވެސް ވަނީ ކޯޓު އަމުރެއްގެ ދަށުން ފުލުހުންގެ ބެލުމުގެ ދަށައް ގެންގޮސްފައެވެ.