މިއަދު ހަވީރު ހިތަދޫގައި ޕީޕީއެމް އިން ބާއްވާ އިވެންޓަށް އައްޑޫގައި ހުންނަ ހައުސިން މިނިސްޓްރީގެ ޑިޕާޓްމަންޓުގައި މަސައްކަތް ކުރާ މުވައްޒަފުން ދިއުމަށް އަންގައިފި އެވެ.
ހައުސިން މިނިސްޓްރީގެ އައްޑޫ ޑިޕާޓްމަންޓުގައި މަސައްކަތް ކުރާ މުވައްޒަފުންނަށް މިކަން އަންގާފައި ވަނީ އައްޑޫގައި ހުންނަވާ ހައުސިން މިނިސްޓްރީގެ ކޯޑިނޭޓަރު ހަސަން ނާޒިލެވެ.
ސޯޝަލް މީޑިޔާގައި ލީކުވެފައިވާ ވައިބަ މެސެޖްތަކުން އެނގޭ ގޮތުގައި ނާޒިލު ވަނީ މިއަދު ހަވީރު ހިތަދޫ ޔޫތް ސެންޓަރުގައި ބާއްވާ، ޚާއްސަ ބައްދަލުވުމަށް ހުރިހާ މުވައްޒަފުން ދިއުމަށް އެދިވަޑައިގެންފައެވެ. އަދި އެ އިވެންޓްގެ "ހާޒިރީ ބެލޭނެ ކަމަށް" ވެސް ނާޒިލް ވަނީ ވިދާޅުވެފަ އެވެ.
#AdduCity @HousingGovMv coordinator Muvazzafunnah maadhamaage event gai baiverivaan majubooru koh fonuvi msg #Ladh @Raajje_tv ? pic.twitter.com/aep1yNjLdN
— faraa farhaan (@faraa_farhaan) August 11, 2017
އައްޑޫގައި ބާއްވާ ޕީޕީއެމްގެ އިވެންޓުތަކަށް ސަރުކާރުގެ މުއައްސަސާތަކާއި ކުންފުނިތަކުގެ މުވައްޒަފުން ބައިވެރިވުމަށް "މަޖުބޫރު" ކުރާ މައްސަލަ މީގެ ކުރިން ވެސް ފެންމަތިވެފައިވެއެވެ.