ގައިންގަޔަށް ނާރާ ބަލިތަކާއި ބެހޭގޮތުން ހެލްތް ޕްރޮޓެކްޝަން އޭޖެންސީ (އެޗްޕީއޭ) އަދި ވޯލްޑް ހެލްތް އޯގަނައިޒޭޝަން (ޑަބްލިއުއެޗްއޯ) ގުޅިގެން 3 ދުވަހުގެ މުއްދަތަކަށޤ އައްޑޫގައި ބޭއްވި ވޯކްޝޮޕް ނިންމާލައިފިއެވެ.
އެޗްޕީއޭ އިން މައުލޫމާތު ދެއްވި ގޮތުގައި މި ވޯކްޝޮޕަކީ ގައިންގަޔަށް ނާރާ ބަލިތަކާ ބެހޭ ގޮތުން ޑަބްލިއު.އެޗް.އޯ އިން ތައްޔާރު ކޮއްފައިވާ "ޕެކޭޖް އޮފް އެސެންޝަލް ނޮން ކޮމިއުނިކަބަލް ޑިޒީޒް އިންޓަރވެންޝަންސް" އަށް އައްޑޫގައި ހުރި ސިއްޙީ ޚިދުމަތްދޭ ތަންތަނުގައި ތިބި މުވައްޒަފުން އަހުލުވެރިކުރުވުމަށް ބޭއްވި ވޯކްޝޮޕެކެވެ.
އައްޑޫ ސިޓީ، ދަމަނަވެށިން އޮފީހުން މައުލޫމާތު ދޭ ގޮތުގައި ވޯކްޝޮޕް ނިމުމާއި އެކު އައްޑޫގައި ޑަބްލިއުއެޗްއޯގެ "ޕެން" ޕެކޭޖް ތަންފީޒު ކުރަން ފަށާނެ ކަމަށެވެ.