ރައްޔިތުންގެ މަޖިލީހުގެ އިޖްތިމާއީ ކޮމެޓީގެ ތިން މެމްބަރަކަށް އެސްޕީޖީ ސިފައިން ހުރަސް އެޅި މައްސަލައެއް ބަލައި ދިނުމަށް މަޖްލިސްގެ އަމީން އާންމަށް ހުށަހަޅައިފިއެވެ.
މިއަދު ހެނދުނު 9:30 ގައި 3 ނަންބަރ ކޮޓަރީގައި ކުރިއަށް ދިޔަ ކޮމެޓީއަށް ދަނިކޮށް ހުރަސް އަޅާފައިވަނީ މަކުނުދޫ ދާއިރާގެ މެމްބަރ އަނާރާ ނައީމް އަށާއި، ހިތަދޫ ދެކުނު ދާއިރާގެ މެމްބަރ އަލީ ނިޒާރުގެ އިތުރުން މުލަކު ދާއިރާގެ މެމްބަރު އިބްރާހިމް ނަސީރުއަށެވެ.
Majilis thereyge nizam vanee gellifa. Minoongotheh onnanjehey. pic.twitter.com/gYIU74uZRT
— Anara Naeem (@AnaraNaeem) August 23, 2017
އެތިން މެމްބަރުން ސޮއި ކުރައްވައި މަޖްލިސްގެ އަމީން އާންމަށް ފޮނުއްވި ސިޓީގައި ބުނެފައިވަނީ އެ ތިން މެމްބަރުންނަށް ކޮމެޓީއަށް ވަނެނުދީ 10 ވަރަކަށް މިނިސްޓް ވަންދެން ހުރަސް އަޅާފައިވާ ކަމަށެވެ.
އަނާރާ ވިދާޅުވީ މަޖްލިސްގެ ނިޒާމް ގެއްލިފައިވާ ކަމަށާއި މިނޫން ގޮތެއް އޮންނަން ޖެހޭ ކަމަށެވެ.
މަޖްލިސްގެ ޖަލްސާ މިއަދުވެސް ފެށީ ސިފައިން މަޖްލިސްގެ ރިޔާސަތު ވަށާލުމަށްފަހުއެވެ. މަޖްލިސް ޗެމްބަރ ގައި މަޖްލިސް މެމްބަރުންނަށް ވުރެ ގިނައީ ސިފައިންނެވެ. ސިފައިން މަޖްލިސްގެ ރައީސް ހިމާޔަތް ކުރަން ތިއްބެވި އިރު އެއް މެމްބަރަކު އަނެއް މެމްބަރެއްގެ ގަޔަށް ބޮލަށް އަރައި އަވަގުރާނަ ގޮވަމުން ދިޔަ މަންޒަރު ވަނީ ފޭސްބުކް ލައިވްކޮށްފައެވެ.