ވެރިކަމަށްޓަކައި ރައީސް އަބްދުﷲ ޔާމީން ހައްޖު ދަތުރުފުޅު ކެންސަލް ކުރެއްވީތޯ، އައްޑޫ މީދޫ ދާއިރާގެ މެންބަރު ރޮޒެއިނާ އާދަމް ސުވާލު އުފައްދަވައިފިއެވެ.
ރޮޒޭނާ މިގޮތަށް ސުވާލު ކުރައްވާފައި މިވަނީ، ރައީސް ޔާމީން ހައްޖަށް ވަޑައިގަންނަވާ ގޮތަށް އިއުލާން ކުރައްވުމަށް ފަހު ފުރާވަޑައިގަތުން ފަސްކުރައްވާފައިވާ ދަނޑިވަޅެއްގައެވެ.
"ވެރިކަމާއިގެން ބޫތު ކައިފައި ހުރިވަރުން ހައްޖު ދަތުރުވެސް ކެންސަލް ކުރެއްވީތޯ؟ މާތް ﷲ ގެންދަވަން ވީމާ ކިތަންމެ ވަރަކަށް ބަގުޑި ބެެއްދިޔަސް ގެންދަވާނެ،"
Verikamaigen boothu kaifa hurivarun Hajju dhathuruves cancel kurevveetho? Maai Allah gendhavanveema kithanme bagudi behdhiyas gendhavaane!
— MP Rozaina Adam? (@Roxeyna) August 29, 2017
ރައީސް ޔާމީންގެ ދެކަނބަލުން ހައްޖަށް ފުރާވަޑައިގަންނަވާނެ ކަމަށް ރައީސް އޮފީހުން ބުނެފައި ވަނީ އޯގަސްޓް 25 ގައެވެ. އެހެން ނަމަވެސް އޭގެ ފަހުން ހައްޖުގެ އަޅުކަމަށް ފުރާވަޑައިގަތުން 28 ވަނަ ދުވަހަށް ފަސްކުރައްވާފައި ވަނިކޮށް ފަސްޓް ލޭޑީ ފާތިމަތު އިބްރާހިމް ވަނީ މިމަހުގެ 26 ވަނަ ދުވަހު ހައްޖުގެ އަޅުކަމަށް ފުރާވަޑައިގެންފައެވެ.
ރައީސް ޔާމީން ހައްޖުގެ އަޅުކަމަށް ފުރާވަޑައިގަތުން ކެންސަލް ކުރައްވި ކަމެއް މިހާތަނަށް އިއުލާން ކުރައްވާފައި ނުވާއިރު އެމަނިކުފާނު ފުރާ ވަޑައިގަންނަވާ ދުވަހެއް އަދި ސާފެއް ނުވެއެވެ.