މިހާރު ކުރިއަށްދާ އިންޓަނޭޝަނަލް ބްރޭކުގައި ވޯލްޑް ކަޕް ކޮލިފައިންގެ މެޗުތައް ކުޅެމުންދާއިރު ރޭ ކުޅުނު ގުރޫޕް އޭ ގެ މެޗު ނެދަލެންޑްސްއާއި ވާދަކޮށް ފްރާންސް ކާމިޔާބުކޮށްފިއެވެ.
މިމެޗު 0-4 އިން ފްރާންސް ކާމިޔާބުކޮށްފައިވާއިރު މެޗުގެ ފުރަތަމަ ލަނޑު 14 ވަނަ މިނެޓުގައި ޖަހާފައިވަނީ ގްރީޒްމަންއެވެ. މެޗުގެ ބާކީ ލަނޑުތައް ފެނިގެން ގޮސްފައިވަނީ މެޗުގެ ވަރަށް ފަހުކޮޅުގައެވެ. 73 ވަނަ މިނެޓާއި 81 ވަނަ މިނެޓުގައި ދެ ލަނޑު ޖަހައި މެޗު ޔަގީން ކޮށްފައިވަނީ ތޯމަސް ލެމާއެވެ.
ފަހު ގޯލު ޖަހާފައިވަނީ ޒުވާން ފޯވާޑް ކީލިއަން އެމްބާޕޭއެވެ. މިމެޗުން މޮޅުވެ ފްރާންސަށް ފުރުސަތު ބޮޑުވެފައިވާއިރު ނެދަލޭންޑްސްއަށް ވަނީ ކޮލިފައިނުވުމުގެ ބިރާއި ކުރިމަތިލާން ޖެހިފައެވެ.