ސްވިމިން އެސޯސިއޭޝަނުގެ ފަރާތުން އިންތިޒާމުކޮށްގެން ބާއްވާ އައްޑޫސިޓީ ކިޑްސް ސްވިމިންގ ފެސްޓިވަލް ހުކުރު ދުވަހު އޮންނާނެއެވެ.
2 ދުވަހުގެ މުއްދަތަކަށް ހިތަދޫ ޓްރެކް ސަރަހައްދުގައި ބާއްވާ މި ފެސްޓިވަލްގައި ތިން އުމުރު ފުރާއަކުން 6 އިވެންޓެއްގައި ފެތުންތެރިން ވާދަކުރާނެއެވެ.
ކިޑްސް ސްވިމިން ފެސްޓިވަލްގައި ވާދަކުރާ އުމުރު ފުރާތަކަކީ 6 އަހަރުން ދަށް، 8 އަހަރުން ދަށް އަދި 10 އަހަރުން ދަށެވެ.
މީގެ އިތުރުން ސްވިމިން އެސޯސިއޭޝަނުން އިންތިޒާމުކޮށްގެން ބާއްވާ 3 ވަނަ އައްޑޫ ސިޓީ ސްކޫލް ކުދިންގެ ފެތުމުގެ މުބާރާތް ވެސް މި މަހު 11 ވަނަ ދުވަހު ފަށާނެއެވެ.