މަޖިލީހުގެ އެތައް މެމްބަރުންގެ ހާޒިރުގައި ރާއްޖޭގެ ވަޒީފާތައްމީގެ ފަހުން ހަމަޖައްސާނީ މެޑަމް ކަމަށް ރައީސް އަބްދުﷲ ޔާމީން ވިދާޅުވިކަމަށް ތިމަރަފުށީ ދާއިރާގެ މެމްބަރު މުޙައްމަދު މުސްތަފާ ވިދާޅުވެއްޖެއެވެ.
މުސްތަފާ މިހެން ވިދާޅުވެފައިވަނީ އިއްޔެ ކުރެއްވި ޓުވީޓެއްގައެވެ. މިސަރުކާރުގެ ކުރީކޮޅު ޕީޕީއެމްގެ އިސް ސަފުގައި ހަރަކާތްތެރިވި މުސްތަފާ ވަނީ ސަރުކާރުގެ ސިޔާސަތުތައް ކަމުނުގޮސްގެން، ފާޅުގައި އެވާހަކަ ދައްކަން ފައްޓަވާފައެވެ.
RY Amihlafulhah vidhaalhuvi e thah MPs eh ge kurimathee Raajjeyge vazeefaa thah Hama jahsaanee meege fahun Mulee aage in Madam ey..
— Mohamed Musthafa (@Thimarafushi) September 21, 2017
ނަތީޖާއެއްގެ ގޮތުން މުސްތަފާ ވަނީ އޭރު ޕީޕީއެމްގެ ވައިބާ ގްރޫޕުން ބޭރު ކުރެވިފައެވެ. އޭގެ ފަހުން މުސްތަފާގެ ފާޑުކިޔުންތައް ޕީޕީއެމަށާއި ރައީސް ޔާމީނަށް ވަނީ ތަކުރާރުކޮށް އަމާޒުވެފައެވެ.
ރައީސް ޔާމީނަށް ކުރެއްވި ތާއީދު ރައީސް މައުމޫން ގެންދަވައި އިދިކޮޅު ފަރާތްތަކާ ގުޅިވަޑައިގަތުމުން މުސްތަފާވެސް ވަނީ މައުމޫން ފަޅިއަށް ޖެހިވަޑައިގެންފައެވެ.
މުސްތަފާގެ މިތުހުމަތުތަކަށް ރައީސް އޮފީހުން އަދި މެޑަމް ފާތުންގެ އޮފީހުންވެސް އެއްވެސް އެއްޗެއް ބުނެފައެއްނުވެއެވެ.