ސްޕެނިޝް ލީގުގައި ބާސެލޯނާ އަދި ރެއާލް މެޑްރިޑް ވެސް ކުޅުނު މެޗުތައް ކާމިޔާބުކޮށްފި އެވެ.
ބާސާއިން ލީގުގައި ހިފަހައްޓާފައިވާ ސައްތަ އިން ސައްތަ ރެކޯޑު އަނެއްކާވެސް ދަމަހައްޓާފައިވަނީ ގިރޯނާއާ ދެކޮޅަށް ކުޅުނު މެޗު 0-3 އިން ކާމިޔާބުކޮށްގެނެވެ.
މެޗުގައި ބާސާގެ 3 ލަނޑުގެ ތެރެއިން ދެ ލަނޑަކީ ގިރޯނާ ކުޅުންތެރިން އަތުން ބައިކޮޅަށް ވަދެފައިވާ ދެލަނޑެވެ. ފަހު ގޯލު ޖަހާފައިވަނީ ރޭ ލަލީގާގެ 100 ވަނަ މެޗު ކުޅުނު ލުއިސް ސުއަރޭޒްއެވެ.
ރެއާލް މެޑްރިޑާއި އަލާވެސް ބައްދަލުކުރި މެޗު ރެއާލް ކާމިޔާބުކޮށްފައިވަނީ 2-1 އިންނެވެ. ޒުވާން ކުޅުންތެރިޔާ ޑެނިއަލް ސެބަލޮސް ރެއާލްއަށް ކުޅުނު ފުރަތަމަ މެޗުގައި ޖަހައިދިން ދެ ގޯލާއެކު ރެއާލް މޮޅުވެފައިވާއިރު އަދިވެސް ބާސާއާ ދެމެދު 7 ޕޮއިންޓުގެ ފަރަގެއް އެބައޮތެވެ.
ޗެމްޕިއަންސް ލީގުގައި ބޮރޫޝިޔާ ޑޯޓްމަންޑާއި ދެކޮޅަށް ރެއާލް މިހަފްތާގައި ކުޅެން ޖެހިފައިވާއިރު ބާސާ ކުޅެން ޖެހެނީ ސްޕޯޓިންއާ ދެކޮޅަށެވެ.