އައްޑޫ ބެޑްމިންޓަން ކުލަބުން އިންތިޒާމުކޮށްގެން ބާއްވާ އޭބީސީ އައްޑޫ އޯޕަންސް ބެޑްމިންޓަން ޗެމްޕިއަންޝިޕް 2017 މިރޭ 8 ޖަހާއިރު ހިތަދޫ ޔޫތު ސެންޓަރގައި ފެށޭނެއެވެ.
ރާއްޖޭގެ އެއްވަނަ ޑިވިޝަންގެ ބައެއް ކުޅުންތެރިން ވާދަ ކުރާ މިމުބާރާތުގެ ގުރުލުން އިއްޔެ ހަވީރު ވަނީ ބާއްވާފައެވެ. މިރެއިން ފެށިގެން މިމަހުގެ 14 ވަނަ ދުވަހާއި ހަަމައަށް ކުރިއަށް ގެންދާ މިމުބާރާތުގައި 5 އިވެންޓެއް ކުރިއަށް ގެންދިއުމަށްވަނީ ނިންމާފައެވެ.
އެއީ މެންސް ސިންގަލް، މެންސް ޑަބަލް އަދި ވިމެންސް ސިންގަލްގެ އިތުރުން ވިމެންސް ޑަބަލްއާއި މިކްސް ޑަބަލްއެވެ. މި އިވެންޓްތަކުގައި ޖުމްލަ 8 ޓީމަކުން ވާދަކުރާނެއެވެ.
ބޭންކް އޮފް މޯލްޑިވްސްއިން މެއިން ސްޕޮންސާރ ކޮށްފައިވާ މި މުބާރާތުގެ ކޯ ސްޕްންސަރ އަކީ އައްޑޫ ސިޓީ ކައުންސިލްއެވެ. އެސޯސިއޭޓް ޕާޓްނާއަކީ ބެޑްމިންޓަން އެސޯސިއޭޝަންއެވެ. ޕްރިންޓިން ޕާޓްނާއަކީ ކޮންޓްރޯލްޕީއެވެ. އަދި މިބާރާތުގެ ހަބަރާއި މައުލޫމާތު ގެނެސްދޭ ބައިވެރިއަކީ "އައްޑޫލައިވް"އެވެ.