ދެހާސް ފަނަރަ ވަނަ އަހަރުގެ މޭޑޭ މުޒާހަރާ އާއި ގުޅިގެން ހައްޔަރުކޮށް ޖަލަށްލާފައިވަނިކޮށް މިއަދު ނިޔާވި ގ.ކީމާ އަބްދުﷲ ރަޝީދު (51އ)ގެ މަރުގެ މައްސަލައިގެ ފުރިހަމަ ތަހްގީގެއް ކުރުމަށް ކުރީގެ ރައީސް މައުމޫން އަބްދުލް ގައްޔޫމް މިއަދު ގޮވާލައްވައިފިއެވެ.
Deeply concerned by death of elderly prison inmate under care of @CorrectionsMv I call on authorities to carry out a full inquiry. pic.twitter.com/rM7Xc9oXyr
— Maumoon Abdul Gayoom (@maumoonagayoom) October 10, 2017
މައުމޫން މިފަދައިން ވިދާޅުވީ ރަޝީދު ނިޔާވި ހަބަރާއި ގުޅިގެން ކަންބޮޑުވުން ފާޅުކޮށް ކުރެއްވި ޓްވީޓެއްގައެވެ. ރަޝީދުގެ މަރުގެ މައްސަލާގައި އިދިކޮޅު އެމްޑީޕީ އާއި ރަޝީދުގެ އާއިލާއިން ވަނީ ސީރިއަސް ތުހުމަތުތަކެއް ކޮށްފައެވެ. އެގޮތުން ރަޝީދުއަށް ޖަލުގައި އެކަށީގެންވާ ބޭސްފަރުވާގެ ފުރުސަތު ދީފައި ނުވާކަމަށް އެފަރާތްތަކުން ވަނީ ބުނެފައެވެ.
ރަޝީދު ނިޔާވީ ބަލިވެގެން އިއްޔެ އައިޖީއެމްއެޗަށް ގެނެސް ފަރުވާ ދެމުން ދަނިކޮށް މިއަދު ހެނދުނުއެވެ. އެއީ އޭނާ އަނބުރައިގަނެގެން ގޮޅި ތެރެއަށް ވެއްޓުމުން ކަމަށް އިދިކޮޅު ފަރާތްތަކުން ބުނެއެވެ.
ޖަލު ހުކުމް ތަންފީޒު ކުރަމުން ދަނިކޮށް މަރުވާ މީހުންގެ އަދަދު މިހާރު ދަނީ އިތުރު ވަމުންނެވެ.