ޝަރީޢަތް ނިމެންދެން ބަންދުކޮށްފައި ހުންނެވި ރައްޔިތުންގެ މަޖިލީހުގެ ދިއްގަރު ދާއިރާގެ މެންބަރު އަޙުމަދު ފާރިސް މައުމޫން ކުއްލި ގޮތަކަށް ގޭ ބަންދަށް ބަދަލުކޮށްފިއެވެ.
މޯލްޑިވްސް ކަރެކްޝަނަލް ސަރވިސް އިން ވެސް ވަނީ ފާރިސް ގޭ ބަންދަށް ބަދަލުކޮށްފައިވާކަން ކަށަވަރުކޮށްދެއްވާފައެވެ.
ކަރަކްޝެންސްގެ އިންފޮމޭޝަން އޮފިސަރު އަހުމަދު ލުގުމާން ވިދާޅުވީ ފާރިސް ގޭބަންދަށް ބަދަލުކުރެވުނީ މާފުށި ޖަލުގައި ފާރިސް ބަހައްޓާފައި ހުރި ޔުނިޓުގެ މަރާމަތުގެ މަސައްކަތެއް ކުރިއަށް ގެންދިއުމަށް ކަމަށެވެ. އަދި މަރާމާތުގެ މަސައްކަތް ނިމުނުހާ އަވަހަކަށް ފާރިސް އަނބުރާ ޖަލަށް ބަދަލުކުރާނެ ކަމަށް ލުގުމާން ވިދާޅުވިއެވެ.
Thank you President for transferring MP @afarismaumoon temporarily from prison to house arrest.
— Maumoon Abdul Gayoom (@maumoonagayoom) October 11, 2017
ރިޝްވަތު ދިންކަމަށް ބުނާ މައްސަލައިގައި ފާރިސް ހައްޔަރުކޮށްފައި ވަނީ ޖުލައި މަހުގެ 18 ވަނަ ދުވަހުއެވެ. އަދި ޖުލައި 19 ވަނަ ދުވަހު ކްރިމިނަލް ކޯޓަށް ހާޒިރުކުރުމުން، ތުހުމަތު ކުރެވޭ މައްސަލައިގެ ތަހުގީގު ނިންމައި ދައުވާކޮށް ޝަރީއަތް ނިމެންދެން ހޯމް މިނިސްޓްރީން ކަނޑައަޅާ ތަނެއްގައި ބަންދުކުރުމަށް ވަނީ އަމުރުކޮށްފައެވެ.
އެދުވަހުން ފެށިގެން ފާރިސް ބަންދުކޮށްފައި ހުންނަނީ ކަރެކްޝަންސްގެ ބެލުމުގެ ދަށުން މާފުށީ ޖަލުގައެވެ.