މިދިއަ ޖުލައި މަހުން ފެށިގެން ޖަލުގައި ބަންދުކޮށްފައި ހުންނެވި ދިއްގަރު ދާއިރާގެ މަޖިލިސް މެންބަރު އަހްމަދް ފާރިސް މައުމޫން މިއަދު ގެއަށް ބަދަލު ކުރުމަކީ އުފާވެރި ޚަބަރެއް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވެފައި ވަނީ މިއަދު ކުރެއްވި ޓްވީޓެއްގައެވެ.
ނަޝީދު ކުރެއްވި ޓްވީޓްގައި ވަނީ ފާރިސް ގޭ ބަންދަށް ބަދަލުކުރުމުން ފާރިސްގެ އާއިލާއަށް މަރުޚަބާ ވިދާޅުވެފައެވެ.
Hon. Faris Maumoon gey bandhah badhalu kuri khabar akee ufaaveri khabareh. Farish aai aailaa ah maruhabaa
— Mohamed Nasheed (@MohamedNasheed) October 11, 2017
ކުރީގެ ރައީސް މައުމޫން އަބްދުލްގައްޔޫމުގެ ދޮށީ ދަރިކަލުން، ފާރިސް މައުމޫން ޖުލައި މަހުގެ ތެރޭގައި ހައްޔަރު ކުރެއްވުމުން ވެސް ނަޝީދު ވަނީ އެކަން ކުށްވެރި ކުރައްވާފައެވެ.
އޭރު ނަޝީދު ކުރެއްވި ޓްވީޓެއްގައި ވިދާޅުވީ ފާރިސްއަކީ "ހިތްވަރު ގަދަ، ސްމާޓް، އަދި ގޮތުގައި ހުންނަވާ ބޭފުޅެއް" ކަމަށެވެ.