އައްޑޫގެ މައި އިންޖީނު ގޭގައި ބޭނުންކުރާ ޖަނަރޭޓަރުތަކަށް މައްސަލަ ޖެހި ކަރަންޓު ކެނޑެމުންދާ މައްސަލައަށް ވަގުތީ ހައްލެއް ގެނައުމަށްޓަކައި އައްޑޫއަށް 2 ޖެނަރޭޓަރު ގެނެސްފިއެވެ.
މި ޖަނެރޭޓަރުތައް ހިފައިގެން އައި ބާޖު ވަނީ މީގެ ކުޑައިރުކޮޅޭއް ކުރިން ހިތަދޫ ބަނދަރަށް ކައިރިކޮށްފައެވެ. އަދި މިހާރު ޖަނެރޭޓަރުތައް ބާޖުން ބޭލުމުގެ މަސައްކަތް ފެނަކަ އާއި އެޗްޕީއެލްގެ މުވައްޒަފުން ދަނީ ކުރަމުންނެވެ.
މިފަހަރު އައްޑޫ އަށް ގެނެސްފައި ވަނީ 1.1 މެގަވޯޓްގެ ޖެނަރޭޓަރަކާއި 1.2 މެގަވޯޓްގެ ޖެނަރޭޓަރެކެވެ. މި ޖެނެރޭޓަރުތައް ގެނެސް އިންސްޓޯލް ކުރެވުމުން ކަރަންޓުގެ މައްސަލަ އަށް ވަގުތީ ހައްލެއް ލިބޭނެ ކަމަށް ފެނަކައިން ވަނީ ބުނެފައެވެ.
ފެނަކަ އައްޑޫ އޮފީހުން މައުލޫމާތު ދޭ ގޮތުގައި މިރޭ ގެނައި 2 ޖަނެރޭޓަރު އިންސްޓޯލްކޮށް ކުރިއަށް 4 ދުވަހުގެ ތެރޭގައި އިންސްޓޯލްކޮށް ނިމޭނެއެވެ.