މަޝްހޫރު ލަވަކިޔުންތެރިޔާ މިކާ ސިންގްގެ ބޭބެ އަދި މަޤްބޫލް މިއުޒިޝަން ޝަމްޝޭރް ސިންގް މަރުވެއްޖެ އެވެ.
ޝަމްޝޭރްއަކީ ޑެލަރު މެހެދީގެ ވެސް ބޭބެ އެވެ.
މި މަހުގެ ނުވަ ވަނަ ދުވަހު ޝަމްޝޭރް ސިންގް މަރުވިކަމުގެ ހިތާމަވެރި ޚަބަރު މިކާ ވަނީ އޭނާގެ ޓްވިޓާ އެކައުންޓް މެދުވެރިކޮށް އާންމުންނާ ހިއްސާކޮށްފަ އެވެ.
އެއަށް ފަހު މަޝްހޫރު ގިނަ ތަރިންތަކެއް ވަނީ ޝަމްޝޭރް ސިންގްގެ މަރާ ގުޅިގެން އޭނާއަށް އިހްތިރާމް އަދާކޮށް ހިތާމަ ފާޅުކޮށްފަ އެވެ.
Waheguru ji ka Khalsa sri Waheguru ji ki Fateh..Very sad news for our family that our older brother Ustad ShamsherSingh ji has passed away. pic.twitter.com/G72QjFpeqW
— King Mika Singh (@MikaSingh) October 9, 2017
އެނގިފައިވާ ގޮތުގައި ޝަމްޝޭރް ސިންގް ވަނީ މަރުވުމުގެ ކުރިން ރީނދޫ ބައްޔަށް ފަރުވާ ހޯދައިފަ އެވެ. އަދި އޭނާ ވަނީ ދިއްލީގެ ވެދަންތާ ހޮސްޕިޓަލްގައި އެޑްމިޓްވެސްކޮށްފަ އެވެ.
ޒީޓީވީން މިހާރު ދައްކާ ސާރޭގާމާ ލިލް ޗެމްޕްސްގެ ޖޫރީ މެމްބަރުންގެ ތެރޭގައި ވެސް ޝަމްޝޭރް ހިމެނެ އެވެ.