ކޮޅު ބަދަލު ކުރާ މަތިން މާލޭގެ މޭޔަރ ޝިފާ މުހައްމަދުއަށް މިލިއަނުން ރުފިޔާ އާއި ފްލެޓެއް ހުށަހަޅައިފިއެވެ.
ޝިފާ ކުރެއްވި ޓްވީޓެއްގައި ވިދާޅުވީ ކޮޅު ބަދަލު ކުރާ މަތިން 3 ކޮޓަރީގެ ފްލެޓަކާއި މިލިއަނުން ފައިސާ ހުށަހެޅި ކަމަށެވެ. އަދި މިއީ "ތޯތޯ ވާހަކަ" އެއް ނޫންކަމަށް ޝިފާ ވިދާޅުވިއެވެ. އަދި ޖަވާބުގައި ނަފްސު ނުވިއްކާނެކަމަށް ބުނިކަމަށެވެ.
3 rm flatakaai millionun faisaa hushaalhaifi kolhubadal kuraamathin.Thoa thoa vaahakaeh nun Javaabga buni nafsu nuvihkeynekamah.
— Shifa Mohammed? (@etna295) October 18, 2017
މާލޭގެ މޭޔަރ ޝިފާ ގަތުމަށް ފެލެޓާއި ފައިސާ ހުށަހެޅި އިރު އައްޑޫ ސިޓީ ކައުންސިލްގެ ހުޅުދޫ އަދި މީދޫ ކައުންސިލަރު ގަތުމަށް 6 މިލިއަން ހުށަހެޅިކަމަށް އެ ކައުންސިލަރުން ވަނީ ބުނެފައެވެ. ކައުންސިލަރުން ބުނީ ފައިސާއަށް ނަފްސު ނުވިއްކާނެ ކަމަށެވެ.
މާލޭ ސިޓީ ކައުންސިލްގެ އެންމެ ގޮޑިއެއް ފިޔަވައި ހުރިހާ ގޮޑިއެއް އެމްޑީޕީން ކާމިޔާބް ކޮށްފައިވާ އިރު އައްޑޫ ސިޓީ ކައުންސިލްގެ 7 ގޮޑިވެސް ކާމިޔާބް ކުރީ އެމްޑީޕީންނެވެ.