ހދ. ކުޅުދުއްފުށީން 33 އަހަރުގެ އަންހެނަކު ގެއްލިގެން ހޯދަން ފަށައިފިއެވެ.
ކުޅުދުއްފުށިން ވާހަކަ ދެއްކި މީހަކު ބުނީ ހޯދަމުން ދަނީ އެރަށުގައި ދިރިއުޅެމުން އަންނަ ހދ. ނޮޅިވަރަންއަށް ނިސްބަތްވާ އާމިނަތު ޒީނިއާއެވެ.
އޭނާ އެންމެ ފަހުން ފެނިފައިވަނީ މިއަދު ހެނދުނު 8:30 ހާއިރު އޭނާ ދިރިއުޅެމުން އަންނަ ގެއިންނެވެ. އޭގެ ފަހުން އޭނާގެ އެއްވެސް ހަބަރެއް ނުވެގެން ވަނީ ކައުންސިލަށް ރިޕޯޓްކޮށްފައެވެ.
ޒީނިއާ ހޯދުމުގެ މަސައްކަތް ކައުންސިލާއި ފުލުހުން އަދި އާއްމު ރައްޔިތުން ގުޅިގެން ވަނީ ފަށާފައެވެ.