އެމެރިކާގެ ޓެކްސަސްގެ ޗާޗް އަކަށް އާދިއްތަ ދުވަހު ދިން ބަޑީގެ ހަމަލާއެއްގައި 27 މީހުން މަރުވެއްޖެ އެވެ.
މި ހަމަލާ ދީފައި ވަނީ ވިލްސަން ކައުންޓީގެ ފަސްޓް ބެޕްޓިސްޓް ޗާޗް އަށެވެ.
އެ ހާދިސާ ހިނގި ސަރަޙައްދުގައި ޙަރަކާތްތެރިވި ފުލުހުންގެ ކޮމިޝަނަރަކު ވަނީ މަދުވެގެން 27 މީހުން މަރުވެފައިވާކަން ކަށަވަރުކޮށްދީފަ އެވެ. މީގެ އިތުރުން ވެސް އެތައް ބަޔަކަށް ވަނީ އަނިޔާ ލިބިފައެވެ.
އެފްބީއައި އިން ބުނާގޮތުގައި މި ހަމަލާދީފައި ވަނީ ހަތިޔާރު އަޅައިގެން ހުރި އެކަކު ކަމަށާއި، އިތުރު މީހުން މިކަމުގައި ޝާމިލްވެފައިވޭތޯ ބަލަމުންދާ ކަމަށެވެ.
FBI just arrived on the scene. The scene is getting pushed back. pic.twitter.com/vyIyNPZHou
— KSAT Max Massey (@MaxMasseyTV) November 5, 2017
މަޢުލޫމާތު ލިބޭ ގޮތުގައި މި ހާދިސާގައި ބަޑީގެ ހަމަލާ ދިން މީހާ ވެސް ވަނީ މަރުވެފައެވެ.
ޓެކްސަސްގެ ގަވަރުނަރު ކަމަށްވާ ގްރެގް އެބޮޓް ވަނީ މި ހާދިސާގައި އަނިޔާވި ހުރިހާ މީހުންނަށް ހެޔޮ ދުޢާކޮށް، ޤާނޫނު ތަންފީޒްކުރާ ފަރާތްތަކަށް ޝުކުރު ދަންނަވާފަ އެވެ.