ޕީޕީއެމް މަޖްލިސް މެމްބަރުން ގައުމަށް ދިން ގެއްލުން ނޮވެމްބަރ 3 ގެ އުދުވާނީ ހަމަލާއަށް ވުރެ ބޮޑުކަމަށް މި ސަރުކާރުގެ ފުރަތަމަ ނައިބް ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
އިނގިރޭސިވިލާތުގައި ދިރިއުޅުއްވަމުން ގެންދަވާ ޑރ. ޖަމީލް ކުރެއްވި ޓްވީޓެއްގައި ވިދާޅުވީ ޕީޕީއެމް މަޖްލިސް މެމްބަރުން އޭޓީއެމް މެޝިން ފަހަތުން ގޯތި ގަނެ، މުދާ ވެރިންނަށް ވެއްޖެކަމަށެވެ. އޭގެ ބަދަލުގައި ރައްޔިތުން މުއްސަދިވީ ދަރަނިން ކަމަށެވެ.
Dhivehi qaumah Nov 3 ge udhuvaanee hamalaa ah vure bodu gehlumeh PPM ge Majlis membarun dheefai vey. “ATM” machine fahathun e beyfulhun goathi hoadhai, mudhaa verinnah vehjje. Rayyithun ge mussadhi vee DHARANI. pic.twitter.com/dF8Rw1FzbF
— Mohamed Jameel Ahmed (@MJameelAhmed) November 10, 2017
ޑރ. ޖަމީލް މަގާމުން ދުރުކޮށް ގެނައި ނައިބް ރައިސް އަހުމަދު އަދީބްއަށް ޕީޕީއެމް ޕީޖީ ގްރޫޕްގެ ލީޑަރ ކޭކު ކޮޅެއް ދެއްވަން ހުންނަވަނިކޮށް ނަގާފައިވާ ފޮޓޯއަކާއި އެކު ޖަމީލް ވިދާޅުވީ ޕީޕީއެމްގެ މެމްބަރުން ގައުމަށް ދިން ގެއްލުން މާ ބޮޑު ކަމަށެވެ.
ސަރުކާރުން ވަނީ ނޮވެމްބަރ 3 ގެ އުދުވާނީ ހަމަލާގެ ހަދާނުގައި ހާއްސަ ޖަލްސާއެއް ރޭ ބާއްވާފައެވެ. ރޭގެ ޖަލްސާގައި މަޖްލިސް މެމްބަރުންނާއި ސަރުކާރަށް ތާއިދުކޮށް ހަފްލާގައި ވާހަކަ ދެއްކެވި ހުރިހާ ބޭފުޅުން ވަނީ ކުރީގެ ރައީސް ނަޝީދާއި ގުޅުވައިގެން ނޮވެމްބަރ 3ގެ ހަމަލާގެ ވާހަކަ ދައްކަވައި ފާޑު ވިދާޅުވެފައެވެ.