ރައީސް އަބްދުﷲ ޔާމީންގެ ވެރިކަން ބަދަލުކުރަން ބޭނުން ނަމަ ނެރެންވީ ރައީސް މައުމޫނާއި ރައީސް ނަޝީދުގެ އިއްތިހާދެއް ކަމުގައި ކުރީގެ ފޮރިން މިނިސްޓަރު ޑރ. އަހުމަދު ޝަހީދު މިއަދު ވިދާޅުވެއްޖެ އެވެ.
ރައީސް މައުމޫނާއި ނަޝީދުގެ ސަރުކާރުގައި ވެސް ވަޒީރުކަން ކުރައްވާފައިވާ ޑރ. ޝަހީދު މިހެން ވިދާޅުވެފައި ވަނީ މިއަދު ކުރެއްވި ޓްވީޓެއްގައެވެ.
"ވެރިކަން ބަދަލުކުރަން ބޭނުން ނަމަ ނެރެން ޖެހޭނީ ނަޝީދާއި މައުމޫނުގެ އިއްތިހާދެއް. އެހެން ނޫނީ އަހަރުމެން ބަދަލެއް ގެންނަން ސީރިއަސް އެއް ނޫން"
Verikan badhalukuran beynun nama neren jeheynee @MohamedNasheed aai @maumoonagayoom ge ihthihaadeh! Otherwise we are not serious abt change! https://t.co/ALwq0uslx1
— Ahmed Shaheed (@ahmedshaheed) November 11, 2017
ދީނީ އަދި ފިކުރީ މިނިވަންކަމާ ބެހޭ އދ.ގެ ހާއްސަ މަންދޫބު ކަން ވެސް ކުރައްވާ ޑރ. ޝަހީދު މިގޮތަށް ވިދާޅުވެފައި ވާއިރު އަދާލަތު ޕާޓީން ވެސް ވަނީ ޤައުމީ އެއްބައިވަންތަކަމުގެ ސަރުކާރެއް އެކުލަވާލުމަށް ތާއީދު ކުރުމަށް ނިންމާފައެވެ.