15 އަހަރުގެ އަންހެން ކުއްޖަކު ގެއްލިގެން އޭނާ ހޯދުމުގެ މަސައްކަތް ފުލުހުން ކުރަމުންދާކަމަށް ފުލުހުން ހަމަކޮށްފިއެވެ.
ފޮޓޯ އާއި އެކު ފުލުހުން ހޯދުމަށް އިއްލާންކޮށްފައިވަނީ ގދ.ތިނަދޫ ސަކީނާމަންޒިލް، ފާތިމަތު ނުހާ (15އ) އެވެ.
ފުލުހުން ބުނީ އެކުއްޖާ ގެއްލިގެން އާއިލާއިން ރިޕޯޓްކޮށްފައިވަނީ ރޭ 7 ޖަހާކަށް ހާއިރުކަމަށެވެ.
ފާތިމަތު ނުހާ އެންމެ ފަހުން ފެނިފައިވަނީ ރޭ 19:00 ހާއިރު މާލޭގައި އޭނާ ދިރިއުޅޭ ގެއިންކަމަށާއި ނުހާ އެންމެ ފަހުން ފެނުނު އިރު ލައިގެންހުރީ އަޅިކުލައިގެ ހެދުމެއްކަމަށް ނުހާގެ އާއިލާއިން ފުލުހުންނަށް ވަނީ މައުލޫމަތު ދީފައެވެ.
.
ފާތިމަތު ނުހާ އާއި ބެހޭ އެއްވެސް މަޢުލޫމާތެއް ލިބިވަޑައިގެންފައިވާ ފަރާތެއްވާނަމަ ލަސްނުކުރައްވައި އެކަން މާލޭގައި ނަމަ މޯލްޑިވްސް ޕޮލިސް ސާރވިސްއަށް، ރާއްޖޭގެ ރަށަކުންނަމަ އެރަށެއްގައި ހުންނަ ޕޮލިސް ސްޓޭޝަނަކަށް އަންގަވައި ދެއްވުމަށް ފުލުހުން އެދެއެވެ.