މިއަދު ފާހަގަ ކުރަމުންދާ ބައިނަލްއަގުވާމީ އިންސާނީ ހައްގުތަކުގެ ދުވަހާ ގުޅިގެން، ދިވެހި ރާއްޖޭގެ ހިއުމަން ރައިޓްސް ކޮމިޝަން (އެޗްއާރްސީއެމް) އަށް އަމާޒުކޮށް ކުރީގެ ރައީސް މުހައްމަދު ނަޝީދު ފާޑު ވިދާޅުވެއްޖެ އެވެ.
ނަޝީދު ކުރި ޓުވީޓެއްގައި ވިދާޅުވެފައިވަނީ އަނެއްކާވެސް އިންސާނީ ހައްގުތަކުގެ ދުވަސް ފާހަގަކުރަމުންދާއިރު ފާއިތުވެދިޔަ ދެ އަހަރުގައި ޖަލުގައި ގޮތްނޭނގޭ 8 މަރު ހިނގާފައިވާ ކަމަށާއި ގޭންގު ކުށްތަކުގައި އެތައް ބަޔަކު މަރާލާފައިވާއިރު އިންސާފު ނުލިބޭ ކަމަށެވެ.
As we mark another Human Rights Day, @hrcmv is dysfunctional. Eight custodial deaths in the past two years, and countless unsolved murders and gang attacks. Our democracy movement was founded to prevent torture and ill treatment. #HRD2017
— Mohamed Nasheed (@MohamedNasheed) December 10, 2017
އަދި ރާއްޖެއަށް ގެނައި ޑިމޮކްރަސީގެ މައިގަނޑު އަސާސަކީ ނުހައްގުން ދޭ އަނިޔާ ހުއްޓުވުމަށް ކަމަށް ނަޝީދު އިތުރުކޮށްފައިވެއެވެ.
އިންސާނީ ހައްގުތަކުގެ ދުވަހާ ގުޅިގެން ޓްރާންސްޕޭރެންސީ މޯލްޑިވްސް އިން ވަނީ 2001 ވަނަ އަހަރުން ފެށިގެން ރާއްޖޭގައި މަރާލާފައިވާ މީހުންގެ ޓައިމްލައިނެއް ތައްޔާރުކޮށްފައެވެ.
A timeline of the number of people murdered since 2001 in the Maldives.#RightToLife #TMHRC2017 pic.twitter.com/ROAvPXm8DZ
— Transparency MV (@TransparencyMV) December 9, 2017
މިއަދާ ހަމައަށް 63 މީހަކު ރަހުމުކުޑަ ގޮތަކަށް މަރާލާފައިވާއިރު ގޭންގު ކުށްތަކުގައި މަރާލާފައިވާ މީހުންނާއި ފައިސާގެ ދަހިވެތިކަމުގައި މަރާލި މީހުން އަދި އެހެނިހެން ކުށްތަކުގައި މަރާލާފައިވެއެވެ. އެމީހުންގެ އާއިލާތަކުގެ އެންމެ ބޮޑު ކަންބޮޑުވުމަކީ މިއަދާއި ހަމައަށްވެސް އިންސާފު ލިބިފައިނުވުމެވެ.
ބައެއް މީހުން މަރާލި މީހުން ފުލުހުންގެ ތަހުގީގަށް ހޯދާފައިވާއިރު ބައެއް މީހުންގެ މައްޗަށް މަރަށް މަރު ހިފަން ކޯޓުން ވަނީ ހުކުމްކޮށްފައެވެ. ސަރުކާރުން ވަނީ އެކިފަހަރު މަތިން މަރުގެ ހުކުމް ތަންފީޒު ކުރާނެ ކަމަށް ބުނެފައެވެ.