އޭޝިޔަން ރޯވިން ކޯސްޓަލް ޗެމްޕިއަންޝިޕްގައި ދިވެހި ގައުމީ ރޯވިން ޓީމު ވާދަކޮށް ފުރަތަމަ ފަހަރަށް ރާއްޖެއިން މެޑަލް ހާސިލުކޮށްފި އެވެ.
މިމުބާރާތުގައި ރާއްޖެއިން މެޑަލް ހޯދާފައިވަނީ އަންހެން ސިންގަލްސްގައި ވާދަކޮށް އައްޑު އަށް ނިސްބަތްވާ ފާތުމަތު މިނާ އަހުމަދެވެ.
މިނާ ވަނީ އޭޝިޔާގެ ބޮޑެތި ގައުމުތަކުގެ އެތްލީޓުންނާ ވާދަކޮށް ބްރޯންޒް މެޑަލް ހާސިލުކޮށްފަ އެވެ. މިއިވެންޓުން ރަން މެޑަލް ހޯދާފައި ވަނީ ޗައިނާ އެތުލީޓެކެވެ. އަދި ރިހި މެޑަލް ހާސިލު ކުރީ ތައިލެންޑުގެ ފަލިޖެހުންތެރިޔެކެވެ.
ފިރިހެން އިވެންޓުންވެސް ރާއްޖެއިން ވަނީ ހަތަރުވަނަ ހޯދާފައެވެ. މިފަހަރު ގައުމީ ފަލިޖެހުންތެރިން ހޯދި ކާމިޔާބީއަކީ މިހާތަނަށް ރާއްޖެއަށް ފަލިޖެހުމުން ލިބުނު އެންމެ ބޮޑު ކާމިޔާބީ އެވެ.
Congratulations Fathimath Mina Ahmed for securing the first medal in rowing for Maldives. You have made us all proud. We wish you and the National Rowing team even more success! pic.twitter.com/6XI0sKfzV4
— Addu City Council (@AdduCityCouncil) December 18, 2017
ރާއްޖޭގެ ރޯވިން އެސޯސިއޭޝަން ގާއިމު ކުރެވުނީ ވެސް 2009 ވަނަ އަހަރުގައެވެ.
ކޮންމެ އަހަރަކުވެސް ބޭރުގެ އެކި މުބާރާތްތަކުގައި ގައުމީ ރޯވިން ޓީމުން ވާދަ ކުރަމުން އަންނަ އިރު މިއީ ކާމިޔާބީއެއް ލިބުނު ފުރަތަމަ ފަހަރެވެ.