މިއަހަރުގެ އެންމެ ފަހު ދުވަސް ކަމަށްވާ ޑިސެމްބަރު 31 ވާ އާދީއްތަ ދުވަހަކީ ސަރުކާރު ބަންދު ދުވަހެއް ކަމަށް ރައީސުލް ޖުމުހޫރިއްޔާ އަބްދުﷲ ޔާމީން މިއަދު ކަނޑައަޅުއްވައިފިއެވެ.
ރައީސް އޮފީހުގެ ތަރުޖަމާނު އިބްރާހިމް މުއާޒް އަލީ އާދީއްތަ ދުވަސް ބަންދުކަން އެންގުމަށް ކުރި ޓުވީޓުގައި ބުނެފައިވަނީ އެގޮތަށް ރައީސް ނިންމީ މުވައްޒަފުންނަށް ލުޔެއް ދިނުމުގެ ގޮތުން ކަމަށެވެ.
އާއަހަރު ފާހަގަ ކުރުމަށް ދިވެހިން ރިސޯޓުތަކަށާއި ކައިރި ރަށްތަކަށް އަދި ރާއްޖެއިން ބޭރަށް އާންމުކޮށް ދަތުރުކޮށް ހަދާއިރު އަހަރުގެ ފަހު ދުވަސް ބަންދު ކުރުމުން މިފަހަރު ބަންދުގެ ގޮތުގައި ތިން ދުވަސް ލިބިގެންދާނެއެވެ.