ސަންޖޭ ދަތުގެ ހަޔާތުގެ މައްޗަށް ބިނާކޮށް ހަދާފައިވާ އެކަމަކު އަދި ރަސްމީކޮށް ނަން އިއުލާންކޮށްފައި ނުވާ ބައޮޕިކް ރިލީޒް ކުރާ ތާރީހު އިއުލާންކޮށްފި އެވެ.
މި ފިލްމްގައި ސަންޖޭގެ ރޯލް އަދާ ކުރާނީ ރަންބީރް ކަޕޫރެވެ. ބެލެވޭ ގޮތުގައި މި ފިލްމް ވެގެންދާނީ މި އަހަރުގެ އެންމެ މަޤްބޫލް އެއް ފިލްމަށެވެ.
އެ ފިލްމްގެ ޑައިރެކްޓަރު ރާޖްކުމާރް ހިރާނީ ވަނީ ފިލްމް ރިލީޒް ކުރާ ތާރީޚް އޭނާގެ ރަސްމީ ޓްވިޓާ އެކައުންޓް މެދުވެރިކޮށް އިއުލާންކޮށްފަ އެވެ. އެ ތާރީހަކީ ޖޫން، 29، 2018 އެވެ.
މިއީ 2014 ގައި ރިލީޒް ކުރި "ޕީކޭ" އަށް ފަހު ހިރާނީ ޑައިރެކްޓްކޮށް، ގެނެސްދޭ ފުރަތަމަ ފިލްމެވެ.
#DuttBiopic releasing on June 29.
— Rajkumar Hirani (@RajkumarHirani) January 5, 2018
ރަންބީރްގެ އިތުރުން މި ފިލްމުން ސަންޖޭގެ މަންމަ އަދި ކުރީގެ ބަތަލާ ނަރްގިސްގެ ރޯލުން މަނީޝާ ކޮއިރަލާ، ބައްޕަ ސުނިލް ދަތުގެ ރޯލުން ޕަރޭޝް ރާވަލް އަދި ސަންޖޭގެ އަނބިމީހާ މާންޔަތާ ދަތުގެ ރޯލުން ދިއާ މިރްޒާ ވެސް ފެނިގެން ދާނެ އެވެ.
މީގެ އިތުރުން ވެސް ފިލްމުން ސޯނަމް ކަޕޫރް، އަނުޝްކާ ޝަރްމާ އަދި ވިކީ ކޯޝަލްގެ ފަދަ އެކްޓަރުން ވެސް ފެނިގެން ދާނެ އެވެ.