މި މަހުގެ ފަހުކޮޅު "ޕެޑްމޭން" ރިލީޒް ކުރުމަށް ހަމަޖެހިފައިވާއިރު، އަކްޝޭ ކުމާރް ވަނީ މިހާރު އޭނާގެ ކުރިއަށް އޮތް ފިލްމް ކަމުގައިވާ "ކޭސަރީ"ގެ މަސައްކަތް ފަށާފައެވެ.
އެގޮތުން ފިލްމްގެ ޝޫޓިން އިއްޔެ ފަށާފައިވާއިރު، އަކްޝޭ ވަނީ އެ ފިލްމްގައި އޭނާ ފެނިގެންދާނެ ގޮތް ޓްވިޓާ މެދުވެރިކޮށް އާންމުންނަށް ދައްކާލާފައެވެ.
Feeling nothing but immense pride and gratitude while sharing this. Beginning my 2018 with #KESARI, my most ambitious film and a lot of passion. Need your best wishes as always 🙏🏻 @dharmamovies@iAmAzure @SinghAnurag79 pic.twitter.com/NOQ5x7FKRK
— Akshay Kumar (@akshaykumar) January 5, 2018
"ސިންގް އިޒް ކިންގް" އާއި "ސިންގް އިޒް ބްލިންގް" އަށް ފަހު މި ފިލްމް ވެގެންދާނީ ސިކް ދީނުގެ މީހެއްގެ ގޮތުގައި އަކްޝޭ ފެނިގެންދާނެ ތިންވަނަ ފަހަރަށެވެ.
"ކޭސަރީ" އަކީ އަކްޝޭ އާއި ކަރަން ޖޯހަރް ކޯ-ޕްރޮޑިއުސް ކުރާ ފިލްމެކެވެ. މި ފިލްމް ބިނާކޮށްފައި ވަނީ ސަރަގަރްހީ ހަނގުރާމައިގެ މައްޗަށެވެ.