މި އަހަރުގެ ރިޔާސީ އިންތިޚާބުގައި ގުޅިފައިވާ އިދިކޮޅު އިއްތިހާދުން އެއް ކެންޑިޑޭޓް ނެރުމާ ގުޅޭ ގޮތުން މި ސަރުކާރުގެ ފުރަތަމަ ނައިބު ރައީސް ޑރ. މުހައްމަދުު ޖަމީލާއި އެމްޑީޕީގެ ފަރާތުން އިންތިޚާބުގައި ވާދަކުރައްވަން މަޝްވަރާ ކުރަމުން އަންނަ ކުރީގެ ރައީސް މުޙައްމަދު ނަޝީދު ބައްދަލު ކުރައްވައި މަޝްވަރާކޮށްފި އެވެ.
ނަޝީދު ކުރި ޓުވީޓެއްގައި ވިދާޅުވެފައިވަނީ ޕީޕީއެމްގެ އިންތިޚާބީ ނައިބު ރައީސް ޑރ. ޖަމީލާއި އެންމެ ފަހުގެ ވާހަކަތައް ހިއްސާ ކުރެވިފައިވާ ކަމަށެވެ. އިދިކޮޅު އިއްތިހާދު އުފެދުނުއިރު އިއްތިހާދުގެ ލީޑަރަކަށް ހުންނެވީ ޑރ. ޖަމީލެވެ.
އިދިކޮޅު އިއްތިހާދުން އެއް ކެންޑިޑޭޓަކު ނެރުމުގެ މަޝްވަރާތައް ފަށާފައިވާއިރު ގާސިމް އިބްރާހިމް ބޭނުންފުޅުވަނީ އެ ކެންޑިޑޭޓަކަށް ނަޝީދު ހައްދަވައި ރަނިން މޭޓުގެ ގޮތުގައި ގާސިމް ނިކުތުމެވެ. އަދި ނަޝީދުވެސް ބޭނުންފުޅުވަނީ އެގޮތް ކަމަށް ގަބޫލުކުރެވެއެވެ.
ނަމަވެސް ގާނޫނު އަސާސީގައި ދެބޭފުޅުންނަށްވެސް އިންތިޚާބުގައި ވާދަކުރުމަށް ތަނެއް ނުދެއެވެ.
2018 vana aharuge riyaasee inthikhaabah gulhifaivaa party thakun eh candidate nerumaai gulhey gothun PPM ge inthikhaabee Naib Raees Dr. Jameel ai enmefahuge vaahakathah hissaa kurevijje. pic.twitter.com/AumX1mq3EF
— Mohamed Nasheed (@MohamedNasheed) January 13, 2018
ނަޝީދަށް 13 އަހަރުގެ ޖަލު ހުކުމެއް އިއްވިފައިވާއިރު ގާސިމް އިބްރާހިމް ވަނީ އުމުރުގެ ގޮތުން އިންތިޚާބުގައި ވާދަކުރެވޭ އުމުރަށް ވުރެ މަތި ވެފައެވެ.
ނަޝީދަށް ވާދަނުކުރެވި ގާސިމަށް ވާދަކުރެވޭ ގޮތް ވެއްޖެނަމަ އިންތިޚާބުގައި ވާދަކުރުމަށް ގާސިމަށް ފުރުސަތުދީ ރަނިންމޭޓަކަށް އެމްޑީޕީން ކަނޑައަޅާ ބޭފުޅަކު އައްޔަން ކުރުމަށް މަޝްވަރާ ކޮމިޓީއަށް ވަނީ ހުށައަޅާފައެވެ.