ސްރީ ލަންކަން އެއާލައިނުން ހިލޭ ޓިކެޓް ދޭ ޕްރޮމޯޝަނެއް ކުރިއަށް ގެންދާ ކަމަށް ބުނެ ސޯޝަލް މީޑިއާ މެދުވެރިކޮށް ދައުރު ކުރާ މެސެޖްތަކަކީ އެ ކުންފުންޏާ އެއްވެސް ގުޅުމެއް އޮތް ކަމެއް ނޫން ނޫން ކަމަށް އެ އެއާލައިނުން ބުނެފި އެވެ.
ސްރީ ލަންކަން އެއާލައިނުން ކުރި ޓްވީޓެއްގައި ބުނީ ހިލޭ ޓިކެޓް ލިބޭ ޕްރޮމޯޝަނެއް ކަމަށް ބުނެ ސޯޝަލް މީޑިއާ އެޕްތަކުގައި ދައުރުވަމުންދާ މެސެޖުތަކާ އެކުންފުންޏާ ގުޅުމެއް އޮތް ކަމަކަށް ނުވާތީ އެއާ ގުޅިގެން ހިނގާ އެއްވެސް ކަމެއްގެ ޒިންމާ އެ އެއާލައިނުން ނުނަގާނެ ކަމަށެވެ.
We wish to notify you that the 'SriLankan Airlines survey that is giving away free tickets' currently circulated on social media and messenger apps is not a SriLankan Airlines promotion, and the Airline will not take any responsibility with regard to this unofficial promotion.
— SriLankan Airlines (@flysrilankan) January 11, 2018
ދައުރުވަމުންދާ މެސެޖްގައިވާ ގޮތުން ހިލޭ ޓިކެޓް ދޭ ޕްރޮމޯޝަކީ ސްރީ ލަންކަން އެއާލައިންގެ 40 ވަނަ އަހަރީ ދުވަހާ ދިމާކޮށް ކަސްޓަމަރުންނަށް ހާއްސަކޮށްގެން ހިންގާ ޕްރޮމޯޝަނެކެވެ.