ރޮކް ބޭންޑް "ދަ ކްރޭންބެރީޒް"ގެ ލީޑް ލަވަކިޔުންތެރިޔާ ޑޮލޯރެސް އޮރިއަޑަން ކުއްލި ގޮތަކަށް މަރުވެއްޖެ އެވެ.
އަޔަލޭންޑްގެ ލައިމްރިކް އަށް އުފަން ޑޮލޯރެސް 90ގެ އަހަރުތަކުގައި ކިޔާފައިވާ ލަވަތައް ކަމުގައިވާ "ލިންގާ" އާއި "ޒޮމްބީ"ގެ ސަބަބުން އޭނާގެ ބޭންޑަށް ވަނީ ބައިނަލްއަޤްވާމީ ބޮޑު މަޝްހޫރުކަން ލިބިފަ އެވެ.
ޑޮލޯރެސް، 46، ގެ ޕަބްލިސިސްޓް ނެރުނު ބަޔާނެއްގައި ވާ ގޮތުން އޭނާ މަރުވީ ލަންޑަން އަށް ލަވައެއް ރެކޯޑް ކުރުމަށް ގޮސް އުޅެނިކޮށެވެ.
"ދަ ކްރޭންބެރީޒް" ގައި މިހާރު މަސައްކަތް ކުރާ މެމްބަރުން ކަމަށްވާ ނޮއެލް ހޯގަން އާއި ފާގަލް ލޯލާ އަދި މައިކް ހޯގަން ވަނީ ސޯޝަލް މީޑިއާ މެދުވެރިކޮށް ޑޮލޯރެސްގެ މަރާ ގުޅިގެން ހިތާމަފާޅުކޮށް އޭނާއަށް އިޙްތިރާމް އަދާކޮށްފަ އެވެ.
Irish and international singer Dolores O’Riordan has died suddenly in London today. She was 46 years old.
Family members are devastated to hear the breaking news and have requested privacy at this very difficult time. Full Statement: https://t.co/L8K98BFpSM pic.twitter.com/ADEY51Xnwe— The Cranberries (@The_Cranberries) January 15, 2018
އޭނާގެ އާއިލާ އިން ދަނީ އަދިވެސް އޭނާގެ މަރާ ގުޅޭ އިތުރު ތަފްސީލްތަކެއް ލަންޑަން އިން ލިބޭނެ ކަމަށް އިންތިޒާރު ކުރަމުންނެވެ.
ޑޮލޯރެސް ވަޅުލާނީ އޭނާގެ އުފަން ރަށުގަ އެވެ. ނަމަވެސް އޭނާގެ ޖަނާޒާ އޮންނާނީ ކޮންއިރަކު ކަމެއް އަދި ހާމައެއް ނުކުރެ އެވެ.