ރައްޔިތުންގެ މަޖިލިސް މެމްބަރުންގެ ތެރެއިން ގޮނޑި ގެއްލުނު ކަމަށް އިލެކްޝަންސް ކޮމިޝަން (އީސީ) އިން ބުނާ މެމްބަރުންނާ ގުޅޭ ގޮތުން ސާފު ބަހެއް ސުޕްރީމް ކޯޓް (އެސްސީ) އިން ބުނަން ޖެހޭނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
އެމަނިކުފާނު މިއަދު ކުރެއްވި ޓްވީޓެއްގައި ވިދާޅުވީ ސުޕްރީމް ކޯޓުން ސާފުކޮށް ދޭން ޖެހޭނީ އެތައް ހާސް ރައްޔިތުންގެ ވަކީލުންނާ ގުޅޭ ކަމެއް ކަމަށެވެ.
"މިކަން ލަސްކުރުމަކީ ސުޕްރީމް ކޯޓުގެ އިހުމާލެއް،" ޓްވީޓުގައި ނަޝީދު ވިދާޅުވި އެވެ.
މި މައްސަލާގައި ކުރީގެ ރައީސް މައުމޫން އަބްދުލް ގައްޔޫމް ވެސް ކަންބޮޑުވުން ފާޅުކުރައްވާފައިވެ އެވެ.
Majlis ge memberunge therein gon'di gellunukamah EC in bunaa memberunai gulhey gothun saafu baheh SC in bunanjehey. SC in saafu kohdheyn mi jehenee ethah haas rayyithunge vakeelunai gulhey kameh. Mi kan laskurevvumakee SC ge ihmaal eh
— Mohamed Nasheed (@MohamedNasheed) January 17, 2018
އެ މަނިކުފާން ކުރެއްވި ޓްވީޓެއްގައި ވިދާޅުވީ ސުޕްރީމް ކޯޓަށް ހުށަހެޅުއްވި މައްސަލަތަކުގެ ޖަވާބު ނުދީ އެ ކޯޓުން ބަހެއް ނުބުނެ، ތިބެގެން ނުވާނެ ކަމަށެވެ. އަދި ސުޕްރީމް ކޯޓަށް ހުށަހެޅި މައްސަލަތަކުގެ ބަހެއް ހޯދަން މެމްބަރުން މަސައްކަތް ކުރެއްވުމަކީ އެ ބޭފުޅުންނަށް ލިބިގެންވާ ހައްގެއް ކަމަށާއި އެކަން ސާފު ކުރައްވަން ޖެހޭނެ ކަމަށް ވެސް މައުމޫން ވިދާޅުވި އެވެ.
ރައްޔިތުންގެ މަޖިލީހުގެ 12 މެމްބަރެއްގެ ގޮނޑި ގެއްލިފައިވާ ކަމަށް އީސީން ވަނީ ނިންމައިފަ އެވެ.
Our MPs have every right to demand a clear and unambiguous word from Maldives Supreme Court on the status of their membership. Supreme Court cannot keep silent any more on this landmark issue.
— Maumoon Abdul Gayoom (@maumoonagayoom) January 16, 2018
ނަމަވެސް އެ ނިންމުމަކީ ގާނޫނުއަސާސީއާ ހިލާފު ނިންމުމެއް ކަމަށް ބުނެ، އެ މެމްބަރުން ގެންދަވަނީ ކޮންމެ ދުވަހަކު ސުޕްރީމް ކޯޓަށް ވަޑައިގަންނަވަމުންނެވެ.