ޕޯސްޓުން އައްޑު އަށް އެތެރެ ކުރަން އުޅުނު 890 ގްރާމްގެ މަސްތުވާތަކެތި، ކަސްޓަމްސް އިން އަތުލައިގެންފި އެވެ.
ކަސްޓަމަސް އިން ބުނީ ޕޯސްޓުން ގެނައި ޕާރުސަލަކާ މެދު ގަން ކަސްޓަމްސް އޮފިސަރުންނަށް ޝައްކު އުފެދިގެން ތަކެތީގެ ވެރިފަރާތުގެ ހާޒިރުގައި ބަލައި ފާސްކުރި އިރު އޭގެ ތެރޭގައި މަސްތުވާތަކެތި ކަމަށް ޝައްކު ކުރެވޭ ތަކެތި ފެނިފައިވާ ކަމަށެވެ.
Customs on 16th January 2018 has seized 890 grams of Hashish Oil which was destined to Addu City in a post Parcel. pic.twitter.com/0rWvio167a
— Maldives Customs (@CustomsMv) January 17, 2018
އަދި އެ ތަކެތި ތަހުލީލު ކުރި އިރު މަސްތުވާ ތަކެތީގެ ބާވަތެއް ކަމަށްވާ ހަޝިޝް އޮއިލް އަށް ޕޮޒިޓިވް ވެފައިވާކަމަށް ވެސް ކަސްޓަމްސް އިން ބުންޏެވެ.
އަތުލައިގަތް މަސްތުވާތަކެތީގެ މައްސަލަ ފުލުހުން މިހާރު އަންނަނީ އިތުރަށް ތަހުގީގު ކުރަމުންނެވެ.