ރާއްޖޭގެ ފަތުރުވެރިކަމުގެ އެންމެ ބޮޑު ކުންފުނި ވިލާ ގްރޫޕްގެ ރިސޯޓްތަކަށް ކަސްޓަމްސް އާއި ފުލުހުން އަރައި ހުއްދަތައް ހިފަހައްޓަމުން އަންނައިރު ފަތުރުވެރިކަމުގެ މައި ޖަމިއްޔާ މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ)އިން އަނގައިން ނުބެނު އޮންނަ އޮތުން އެކި ފަރާތްތަކުން ކުށްވެރި ކުރަން ފަށައިފިއެވެ.
Dhivehi Rajjeyge emme bodu fathuruveri kamuge kunfuni sarukaarun nolhaalamun dhaairu baheh nubunu MATI ovegen nuvaane. Zinmaa adhaa kurahvaa. Thiya thoshigandun nikunnavaa. Enoonee maadhamaa kuran jehey hithaama maaboduvaane. @Mihaarunews @vaavu @Raajje_tv
— Mohamed Maleeh Jamal (@maleehjamal) January 21, 2018
ގާސިމް އިބްރާހިމްގެ ވިލާ ގްރޫޕުން ހިންގާ ފަން އައިލެންޑް ރިސޯޓަށް ރޭ ކަސްޓަމްސް އާއި ފުލުހުން އަރައި ބައެއް ސާމާން ގެންގޮސްފައިވަނިކޮށް ވިލާ ގްރޫޕުން ހިންގާ ރޮޔަލް އައިލެންޑް ރިސޯޓަށް ދޫކޮށްފައިވާ އޫރުމަހާއި ބަނގުރާ އެތެރެ ކުރުމުގެ ހުއްދަ އިކޮނޮމިކް މިނިސްޓްރީން މިއަދު ވަނީ ހަ މަހަށް ހިފަހައްޓާފައެވެ.
ފަތުރުވެރިކަމުގެ ސިނާއަތް ފުޑާލާލަމުންދާކަމަށް ބުނެ މި ސަރުކާރުގެ ފުރަތަމަ ޒުވާނުންނާއި ބެހޭ މިނިސްޓަރ މުހައްމަދު މަލީހް ޖަމާލް ވިދާޅުވީ ރާއްޖޭގެ ފަތުރުވެރިކަމުގެ އެންމެ ބޮޑު ކުންފުނި ނޮޅަމުން އަންނަ އިރު މަޓީން އަނގައިން ނުބުނެ އޮވެގެން ނުވާނެކަމަށެވެ.
މަލީހް ވިދާޅުވީ އެގޮތަށް މަޑުން ތިބެއްޖެ ނަމަ މާދަމާ ކުރަން ޖެހޭ މަސައްކަތް މާ ބޮޑުވާނެކަމަށެވެ.
ގާސިމްގެ ރިސޯޓްތަކަކީ އެންމެ ގިނަ ދިވެހިން ވަޒީފާ އަދާ ކުރަމުންދާ ރިސޯޓްތަކެވެ. މި ރިސޯޓްތަކަށް ލިބޭ ގެއްލުމުގެ އަސަރު 5000 އެއްހާ މުވައްޒަފުންނަށް ފޯރާނެއެވެ.
ރަލާއި އޫރުމަސް އެތެރެ ކުރުން ހުއްޓުވުމާއި އެކު ރިސޯޓްތައް ހުއްޓޭނެކަމަށް ވިލާ ގްރޫޕުން ވަނީ ބުނެފައެވެ.