ވިލާ ގްރޫޕުން ދައުލަތަށް 2.9 ބިލިއަން ރުފިޔާ ދައްކަވަން ޖެހޭކަމަށް ރައީސުލްޖުމްހޫރިއްޔާ އޮފީހުގެ ލީގަލް އެފެއާޒް މިނިސްޓަރު އަލްއުސްތާޛާ އާއިޝަތު އާޒިމާ ޝަކޫރު ވިދާޅުވި ވިދާޅުވުމަށް ޖުމްހުރީ ޕާޓީގެ ނައިބް ލީޑަރ ކިނބިދޫ ދާއިރާގެ މެމްބަރ އަބްދުﷲ ރިޔާޒު ފާޑު ވިދާޅުވެއްޖެއެވެ.
ވިލާ ގްރޫޕްގެ ލޯޔަރެއްގެ ގޮތުގައި އާޒިމާ ޝަކޫރު ކޯޓަށް ވަޑައިގެން އެ ފައިސާ އަކީ ވިލާ އިން ދައްކަން ޖެހޭ ފައިސާ ނޫންކަމަށް ވިދާޅުވެ ވާހަކަފުޅު ދެއްކެވި ހަނދާން ހުރިތޯ ރިޔާޒު ވަނީ ސުވާލު އުފައްދަވާފައެވެ.
Kamanaa handhumafulhu ebahurithoa Villa group ge vakeelehge haisiyyathun thiyabunaa faisaa akee Villa in dhahkan jehey faisaa noonkamah bune court thakuga vakaalaathukohdhin handhaan? Eyru Qasim ujoora dhineema Vila ok mihaaru RY vazeefa dhineema sarukaaru ok! https://t.co/OvG8VJdvEb
— Abdulla Riyaz MP (@riyazabdulla) January 22, 2018
"އޭރު ގާސިމް އުޖޫރަ ދިނީމާ ވިލާ އޯކޭއި، މިހާރު ރައީސް ޔާމީން ވަޒީފާ ދިނީމާ ސަރުކާރު އޯކޭއި- އަބްދުﷲ ރިޔާޒު"
ރިޔާޒުގެ ފާޑު ކިއުން އާޒިމާ ޝަކޫރަށް އަމާޒުވެފައިވަނީ ޕީއެސްއެމް ނިއުސްގެ "އުއްމީދާ ކުރިއެރުން" ޕްރޮގްރާމްގައި އާޒިމާ ޝަކޫރު ވިލާ ގްރޫޕަށް ކުއްޔަށްދޫކޮށްފައިވާ ތަންތަނުން ދައުލަތައް ދައްކަންޖެހޭ ޖުމްލަ ފައިސާގެ އަދަދު 2.9 ބިލިއަން ރުފިޔާއަށް އަރާކަމަށް ސަރުކާރުގެ ކަމާއިބެހޭ އިދާރާތަކުގެ ތަފާސް ހިސާބުތަކުން ފެންނަން އެބައޮތްކަމަށް ވިދާޅުވުމާއި ގުޅިގެންނެވެ.
އާޒިމާ ވިދާޅުވީ އެ ފައިސާ އަކީ ދައުލަތަށް ލިބޭނެ ކަމަށް އިންދާޒާ ކުރި ފައިސާގެ 13.3 އިން ސައްތަ ފައިސާ ކަމަށެވެ.
އާޒިމާ ވިދާޅުވީ ވަކި މީހަކު ދައުލަތަށް ދައްކަންޖެހޭ ފައިސާ ނުދައްކައި އޮތުމަކީ، ދައުލަތުން އެކަމާމެދު ފިޔަވަޅު ނާޅައި އޮންނަންވީ ސަބަބެއް ނޫންކަމަށެވެ.
މީގެ ކުރިން ދައުލަތުގެ ބަންޑާރަ ނައިބުކަންވެސް ކުރައްވާފައިވާ އާޒިމާ ވަނީ، އެފަދަ މީހަކާމެދު ފިޔަވަޅު ނާޅައި އިތުރުވާހަކައެއް ދައްކަން އޮންނާނެތޯ ސުވާލު ކުރައްވާފައެވެ.