ދިއްގަރު ދާއިރާގެ މަޖިލިސް މެންބަރު އަދި ކުރީގެ ރައީސް މައުމޫންގެ ދަރިކަލުން ފާރިސް މައުމޫން ހައްޔަރު ކުރުމަށް މަސައްކަތް ކުރަމުން ގެންދާ ކަމަށް ފާރިސްގެ ދައްތަ ޔުމްނާ މައުމޫން ވިދާޅުވެއްޖެއެވެ.
ޔުމްނާ މިއަދު ކުރެއްވި ޓްވީޓެއްގައި ވިދާޅުވެފައި ވަނީ ފާރިސް ހައްޔަރުކުރަން އުޅޭ ކަމުގެ މައުލޫމާތު ލިބިފައިވާ ކަމަށެވެ.
Anekkaa MP @afarismaumoon hayyaru kuran ulhey kamuge mauloomaathu eba libey. 6 mas dhuvahah vure gina dhuvahuge bandhakah fahu CC in dhoo kollithaa adhi 2 dhuvas mivy. Mee hama aniyaa noon tho?
— Yumna Maumoon (@yumna_maumoon) January 27, 2018
މަޖިލީހުގެ މެންބަރުންނަށް ރިޝްވަތު ދިނުމުގެ ދައުވާ އަކާއި ޝަޚްސު އޮޅުވާލުމުގެ ދައުވާއެއް އުފުލާފައިވާ ފާރިސް 6 މަސް ދުވަހަށް ވުރެ ގިނަ ދުވަހު ބަންދުގައި ބެހެއްޓުމަށް ފަހު މިނިވަންކޮށްފައި ވަނީ ފާއިތުވި ބުރާސްފަތި ދުވަހުއެވެ.
އެކަން ފާހަގަކުރައްވައި ޔުމްނާ ވަނީ ފާރިސް ބަންދުކުރުމަކީ އަނިޔާއެއް ނޫންތޯ ސުވާލު އުފައްދަވާފައެވެ.