ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫން ހައްޔަރުކުރުމަށް ޝަރުއީ ކޯޓަކުން ނެރެފައިވާ އަމުރު ތަންފީޒު ކުރުމަށް ރައީސް އަބްދުﷲ ޔާމީން ފުލުހުންނަށް އަންގަވާފައިވާ ކަމަށް ރައީސް އޮފީހުގެ ތަރުޖަމާނު، އިބްރާހިމް މުއާޒް އަލީ ވިދާޅުވެއްޖެއެވެ.
މުއާޒު ކުރެއްވި ޓުވީޓެއްގައި ވިދާޅުވެފައިވަނީ ރައީސުލް ޖުމުހޫރިއްޔާ އަކީ ގާނޫނު ތަންފީޒު ކުރުމުގެ އެންމެ މަތީ ފަރާތްކަމުގަ ވީހިނދު، ފާރިސް ހައްޔަރުކުރުމަށް ޝަރުއީ ކޯޓަކުން ނެރެފައިވާ އަމުރު ތަންފީޒު ކުރުމަށް ރައީސް ފުލުހުންނަށް އަންގާފައިވާ ކަމަށެވެ.
Raeesuljumhooriyyaa aky qaanoon thanfeezu kurumuge emme mathy faraaiy kamuga veehindhu, @afarismaumoon hayyaru kurumah sharuee court akun nereifavaa amureh thanfeezu kurumah @PoliceMv ah Raeesuljumhooriyyaa vany angavaafa.
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) January 27, 2018
މުއާޒްގެ މި ޓުވީޓާ ގުޅިގެން ގިނަ ބަޔެއްގެ ފާޑުކިޔުންތައް ރައީސް ޔާމީނަށް އަމާޒު ވެފައިވާއިރު ގާނޫނީ ވަކީލުން ވަނީ އެއީ ރައީސުލްޖުމުހޫރިއްޔާ އަށް ލިބިގެންވާ ހައްގެއް ނޫން ކަމަށް ބުނަމުންނެވެ.
މަޝްހޫރު ގާނޫނީ ވަކީލާ، ހިސާން ހުސެއިން ކުރެއްވި ޓުވީޓެއްގައި ރައީސުލް ޖުމުހޫރިއްޔާގެ މަގާމުގައި ހުންނަވާ ބޭފުޅަކަށް ފުލުހުންނަށް އެއްވެސް އަމަލެއް ކުރުމަށް އަމުރު ނުކުރެވޭނެ ކަމަށެވެ. އަދި މިކަމުންވެސް އިނގެނީ ރައީސް ފުލުހުންނަށް ސިޔާސީ ގޮތުން ފިއްތުންތައް ކުރިމަތިކުރުވާ މިންވަރު ކަމަށް ހިސާން ވިދާޅުވިއެވެ.
The Police Act (Law No 5/2008) does not give authority to the President to order @PoliceMv to carry out any act. This clearly demonstrates the amount of political influence exerted over the institution by the President. https://t.co/QiahXS2v7v
— Hisaan 🎈؟ (@hisaanhussain) January 27, 2018