މީހަކު ނިސްބަތްވާ އާއިލާއަކުން، ހަސަބަކުން އަދި ނަސަބަކުން ގާނޫނަށްވުރެ ބާރުގަދަ ނުވެވޭނެކަމަށް ފޮނަދޫ ދާއިރާގެ މެމްބަރ އަބްދުﷲ އަބްދުއް ރަހީމް (އަދުރޭ) ވިދާޅުވެއްޖެއެވެ.
އަދުރޭ މިއަދު ހަވީރު ކުރެއްވި ޓްވީޓެއްގައި ވިދާޅުވީ ބޮޑު ކެކުރި އާއި ކުޑަކެކުރީގެ ޒަމާން މިހާރު މާޒީވެ ގޮސްފައިވާ ކަމަށާއި، ރައީސް ޔާމީނުގެ ސަރުކާރަކީ ގާނޫނުގެ ބާރު ނަގަހައްޓާ ދެމެހެއްޓުމުގެ ހުރި ސަރުކާރެއް ކަމަށެވެ.
Meehaku nisbaiyvaa aa’ilaa akun,hasabakum adhi nasabakun Qaanoon ah vure baaru gadha’eh nuveveyne. Bodu kekuri aai kuda kekureege zamaan mi’adhu vanee Maazee vefai.RY ge sarukaarakee Qaanoon ge baaru nagahattaa dhemehettumuge gaabil kan huri sarukaareh.
— Abdul Raheem Abdulla (@Banafsaa) January 27, 2018
އަދުރޭ މިފަދަ ޓްވީޓެއް ކޮށްފައިވަނީ ކްރިމިނަލް ކޯޓުން ނެރުނު އަމުރެއް ރައީސް އަބްދުﷲ ޔާމީންގެ އެންގެވުމަށް ފުލުހުން ތަންފީޒު ކުރައްވާފައި ވަނިކޮށެވެ.
އަދުރޭ ވިދާޅުވީ ރައީސް ޔާމީންގެ ސަރުކާރުން ޝަރުއީ ދާއިރާއަށް ނުފޫޒު ނުފޯރުވާ ކަމަށާއި، ގާނޫނު ތަންފީޒު ކުރުމުގައި ސަރުކާރު ފުދުންތެރި ކަމަށެވެ.
RY ge sarukaarakun Sharu’ee dhaairaa akah nufoozeh nufoaru vaane. Qaanoon thanfeezu kuru mugai fanthi akah ginthi akah nubalaane.hama hama kamaa’eku Qaanoon thanfeezu kurumuge fudhuntherikan RY ge sarukaarugai hunnaane.
— Abdul Raheem Abdulla (@Banafsaa) January 27, 2018
ރައީސްގެ ތަރުޖަމާން މުއާޒު އަލީ ވިދާޅުވީ ފާރިސް ހައްޔަރު ކުރުމަށް ކޯޓުން ނެރުނު އަމުރު ތަންފިޒު ކުރުމަށް ރައީސް ފުލުހުންނަށް އެންގެވިކަމަށެވެ.