މެލޭޝިޔާ ސަރުކާރުން ރާއްޖެ އަށް 500 ސްކޮލަޝިޕް ދީފި އެވެ.
މެލޭޝިޔާގެ ހަޔާ އެޑިއުކޭޝަނުން ދިވެހި ޒުވާނުންނަށް އަމާޒުކޮށްގެން އެ ގައުމުގެ 17 ޔުނިވާސިޓީއަކާ ގުޅިގެން ދޭން ހަމަޖެހިފައިވާ ސްކޮލަޝިޕްތަކެކެވެ.
އަދި މިސްކޮލަޝިޕްތަކަކީ މެލޭޝިއާ ސަރުކާރުން 50 ޕަސަންޓް ޑިސްކައުންޓް ހިމަނާފައިވާ ސްކޮލަޝިޕްތަކެކެވެ. ދިވެހި ދަރިވަރުންގެ ތެރެއިން ހޮވޭ ދަރިވަރުން ދައްކަން ޖެހޭ 50 ޕަސެންޓް ސަރުކާރުން ދޭ ލޯނެއްގެ ގޮތުގައި ހަމަޖެހިގެން ދާނެ ކަމަށް އެޑިއުކޭޝަން މިނިސްޓަރު ޑރ. އައިޝަތު ޝިހާމް ވިދާޅުވި އެވެ.
މިނިސްޓަރު ވިދާޅުވި ގޮތުގައި ރައީސް އަބްދުﷲ ޔާމީން ވެރިކަމަށް ވަޑައިގެންނެވުމަ ށްފަހު މެލޭޝިޔާ ސަރުކާރާ ގުޅުން ބަދަހި ކުރައްވާފައިވާ ކަމަށާއި މިއަދު މިލިބުނު ސްކޮލަޝިޕްތަކުގެ ސަބަބުން ދިވެހި ޒުވާނުންގެ ހުނަރު އިތުރު ކުރުމަށް ވަރަށް ގިނަ ފުރުސަތުތަކެއް ލިބިގެން ދާނެ އެވެ.
@educationmsia awarded 500 partial Scholarships to @EducationMv Scholarship scheme. This joint effort between Maldives and Malaysia Government will offer 500 seats for Maldivian students to pursue their studies at universities in Malaysia. @aishathshiham @dhe_mv pic.twitter.com/veGufGyEiV
— MinistryofEducation (@EducationMV) January 29, 2018
މިއަދު ލިބުނު 500 ސްކޮލަޝިޕްގެ ތެރެއިން 100 ސްކޮލަޝިޕަކީ ޕޯސްޓް ގްރެޑުއޭޓް ސްކޮލަޝިޕްތަކެވެ.
އަދި 400 ސްކޮލަޝިޕަކީ އަންޑަ ގްރެޖުއޭޓް ސްކޮލަޝިޕްތަކެވެ. ސްކޮލަޝިޕްތަކަށް ކުރިމަތިލުމަށް އޭ ލެވެލް ތިން ފާސް ބޭނުން ވާނެ ކަމަށް މިނިސްޓްރީން ބުންޏެވެ.