ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު އިލްހާމް އަހުމަދު އާއި މައްޗަންގޯޅި ދެކުނު ދާއިރާގެ މެމްބަރ އަބްދުﷲ ސިނާންގެ ބަންދާއި މެދު ގޮތެއް ނިންމަން މިއަދު ހެނދުނު 10:00 ޖަހާއިރަށް ކްރިމިނަލް ކޯޓަށް ގެންނާނެކަމަށް އެދެމީހުންގެ ވަކީލުން ބުނެފިއެވެ.
ރިޝްވަތުގެ ތުހުމަތުގައި އިލްހާމް އާއި ސިނާން ހައްޔަރު ކުރީ ގިނަ ދުވަސްތަކެއް ވަންދެން ރާއްޖޭން ބޭރުގައި އުޅުއްވުމަށްފަހު އިއްޔެ މެންދުރު ރާއްޖެ އައުމުންނެވެ.
ފުލުހުން ބުނީ ސިނާން އާއި އިލްހާމް ހައްޔަރު ކުރީ ބަލަމުންދާ ކަރަޕްޝަންގެ މައްސަލައިގެ ތަހްގީގަށް ކަމަށެވެ. އިލްހާމް އާއި ސިނާން ހައްޔަރު ކުރަން ހޯދަން މީގެ ކުރިންވެސް ފުލުހުން އިއްލާން ކުރިއެވެ. ނަމަވެސް ފަހުން ވަނީ އެ އިއްލާން ބާޠިލްކޮށްފައެވެ.