އަޒުމަކަށް ބަދަލެއް ނާންނާނެކަމަށާއި، ދެމިހުންނާނީ ސާބިތު ކަމާއި އެކު ރައީސް ޔާމީންގެ ފަހަތްޕުޅުގައި ކަމަށް ފިޝަރީޒް މިނިސްޓަރ މުހައްމަދު ޝައިނީ ތަކުރާރު ކުރައްވައިފިއެވެ.
ޝައިނީ މިއަދު އަނެއްކާވެސް ކުރެއްވި ޓްވީޓެއްގައި ވިދާޅުވީ، ގައުމާއި ދީނަށްޓަކައި ސާބިތު ކަމާއި އެކު ރައިސް ޔާމީންގެ ފަހަތްޕުޅުގައި ހުންނެވި ކަމަށާއި ނަސްރު ދެއްވާނީ ހައްގަށް ކަމަށެވެ.
Mi azumakah badhaleiy naannaane. Gauma dheenah taka adhi gaumuge kurierumah taka mihury Raees Yameen ge fahaiypulhuga varah saabithu kama eku. Allah (swt) haggah nasru medhuveri kuravvane.
— Mohamed Shainee (@mshainee) February 5, 2018
ޝައިނީ މިފަދައިން ތަކުކުރާރު ކުރައްވަނީ ސްޕްރީމް ކޯޓުން ކުރި ހުކުމް ތަންފީޒު ނުކޮށް ދިގު ދަންމަމުން ދަނިކޮށެވެ.
ސަރުކާރުގެ ކަމާއި ބެހޭ ފަރާތްތަކުން އަދިވެސް ސްޕްރީމް ކޯޓުގެ އަމުރަށް ބޯލަނބައި ތަންފީޒު ކުރުމަށް މަސައްކަތް ކުރާ ތަނެއް ނުފެނެއެވެ. ނަމަވެސް ސަރުކާރު ވެރިން ގެންދަވަނީ ރައީސް ޔާމީނަށްޓަކައި ފުރާނަ ދޫކޮށްލާނެކަމަށް ބުނެ ވާހަކަ ދައްކަވަމުންނެވެ.