ހޯމަ ދުވަހުގެ ރޭ ހައްޔަރު ކުރި ކުރީގެ ރައީސް މައުމޫން އަބްދުލް ޤައްޔޫމް ދޫނިދޫ އިން އެހެން ތަނަކަށް ބަދަލު ކުރުމުގެ މަސައްކަތް ކުރަމުންދާ ކަމަށް އެމަނިކުފާނުގެ ވަކީލުން ވިދާޅުވެއްޖެ އެވެ.
ރައީސް މައުމޫންގެ ވަކީލެއް ކަމަށްވާ މައުމޫން ހަމީދު ދާދިދެމްނެއަކު ކުރެއްވި ޓްވީޓެއްގައި ވިދާޅުވެފައި ވަނީ ރައީސް މައުމޫން އެހެން ތަނަކަށް ބަދަލުކުރަން ހަމަޖެހިފައިވާކަން ފުލުހުން އަންގާފައިވާ ކަމަށާއި، އެހެންނަމަވެސް އެމަނިކުފާނު ބަދަލު ކުރަނީ ކޮންތަނަކަށްކަން ކަސްޓޯޑިއަލްގެ އޮފިސަރުން ހާމަކުރައްވާފައި ނުވާ ކަމަށެވެ.
Pres. @maumoonagayoom was today notified by @PoliceMv that he was to be transferred to another location. Custodial officers would not tell me the intended location (only that it was "out of Dhoonidhoo"), but they also told me the transfer had been put on hold "for the moment".
— Maumoon Hameed (@maanhameed) February 7, 2018
މައުމޫން ހަމީދު އިތުރަށް ވިދާޅުވި ގޮތުގައި ރައީސް މައުމޫން އެހެން ތަނަކަށް ބަދަލުކުރުމުގެ މަސައްކަތް މިވަގުތަށް މަޑުޖައްސާލާފައިވާ ކަމަށްވެސް ކަސްޓޯޑިއަލްގެ އޮފިސަރުން ވަނީ އަންގާފައެވެ.
ރައީސް މައުމޫން ހައްޔަރުކޮށްފައި ހުރީ ދޫނީދޫ ގޮޅިއެއްގައި ނޫން ކަމަށް އެމަނިކުފާނުގެ ގާނޫނީ ވަކީލުން މައުލޫމާތު ދެއްވާފައިވާއިރު، އެމަނިކުފާނުގެ ސިއްހީ ހާލުކޮޅު ރަނގަޅު ކަމަށް އެމަނިކުފާނުގެ ދަރިކަނބަލުން ދުންޔާ މައުމޫން ވަނީ މިއަދު ވިދާޅުވެފައެވެ.
Visited my father @maumoonagayoom at Dhoonidhoo prison. He is well Alhamdulillah!
— Dunya Maumoon (@dunyamaumoon) February 7, 2018