ރިޝްވަތު ދީގެން ވެރިކަން ވައްޓާލަން އުޅުނު ކަމުގެ ތުހުމަތުގައި ހައްޔަރުކޮށް، މާފުށީ ޖަލުގައި ބަންދުކޮށްފައިވާ ކުރީގެ ރައީސް މައުމޫން އަބްދުލް ގައްޔޫމާ މުއްދަތެއް ނެތް ގޮތަށް ބައްދަލު ނުކުރެވޭ ގޮތަށް ހަދައިފި އެވެ.
ގާނޫނީ ވަކީލުންނާއި އާއިލާގެ މެމްބަރުން ވެސް މައުމޫނާ ބައްދަލު ނުކުރެވޭނެ ކަމަށް ސަރުކާރުން އެންގީ މިއަދު އެވެ.
ރައީސް މައުމޫންހެ ހައްގުތައް ހިފަހައްޓާފައިވާކަން އެ މަނިކުފާނުގެ ގާނޫނީ ވަކީލު މައުމޫން ހަމީދު ވެސް ވަނީ ކަށަވަރުކޮށް ދެއްވައިފަ އެވެ.
.@Corrections_Mv say that since #StateOfEmergency is in effect, they will not grant any lawyer or family meetings with Pres. @maumoonagayoom
Does @hrcmv still feel "all is well"?
We note that while Raees Maumoon was in @PoliceMv custody, lawyers & family were granted access.
— Maumoon Hameed (@maanhameed) February 11, 2018
އޭނާ ވިދާޅުވީ މައުމޫނާ ބައްދަލު ކުރެއްވުމަށް އާދީއްތަ ދުވަހު ކަރެކްޝަންގައި އެދުމުން، ކުއްލި ނުރައްކަލުގެ ހާލަތު އިއުލާންކޮށްފައިވާތީ ބައްދަލު ނުކުރެވޭނެ ކަމަށް އަންގާފައިވާ ކަމަށެވެ.
ރައީސް މައުމޫން ހައްޔަރުކޮށްފައިވާތާ، މާދަމާ އަށް ހަފުތާއެއް ވާނެ އެވެ.
ރާއްޖޭގައި 30 އަހަރު ވެރިކަން ކުރެއްވި މައުމޫނަަށް ކުރާ ތުހުމަތުތަކުގެ ތެރޭގައި ގާނޫނާ ޚިލާފަށް ވެރިކަން ބަދަލު ކުރުމަށް ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދިނުމާއި ފަނޑިޔާރުންނަށް ނުފޫޒު ފޯރުވުން ހިމެނެ އެވެ.