ހައްޔަރުކޮށްފައިވާ ދިވެހި ރާއްޖޭގެ އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދާއި ޑީޖޭއޭގެ އެޑްމިނިސްޓްރޭޓަރު ހަސަން ސައީދަށް އޮތީ ވަކި ގަވާއިދެއް ކަމަށް ފުލުހުން އަންގާފައިވާ ކަމަށް ވަކީލުން ހާމަކޮށްފިއެވެ.
@PoliceMv just informed that they have a separate rule for CJ Abdulla Sayeed, Justice Ali Hameed and DJA Hassan Sayeed regarding access to their lawyers. Their lawyers will no longer be able to request to meet them. #MaldivesInCrisis #SupremeCourt
— Hisaan ؟? (@hisaanhussain) February 13, 2018
ފަނޑިޔާރުންގެ ވަކީލުންގެ ޓީމުގައި ހިމެނިވަޑައިގަންނަވާ ހިސާން ހުސެއިން ކުރެއްވި ޓުވީޓެއްގައި ވިދާޅުވެފައިވަނީ ތިން ބޭފުޅުންނާއި ބައްދަލުކުރެއްވުމަށް އެދުމުގެ ފުރުސަތެއް ނޯންނާނެ ކަމަށެވެ.
ހިސާން މިފަދައިން ޓްވީޓް ކުރައްވާފައިވާ އިރު އުއްތަމަ ފަނޑިޔާރު އަބްދުﷲ ސައީދުގެ އާއިލާއިން ވަނީ އެމަނިކުފާނަށް ކާން ދެނީ ބަތާއި ގަރުދިޔަ އެއްކޮށްގެން ގެނެސް ބާލިދީއެއްގައި ކަމަށް ވިދާޅުވެފައެވެ. އަދި އެމަނިކުފާން ބާއްވާފައި އޮންނަނީ ކުޑަ ގޮޅިއެއްގައި ކަމަށާއި ފަންކާއެއް ނެތްތާ ވަރަށް ވަސް ނުބައިކަމަށް ވަނީ ބުނެފައެވެ.
މީގެ އިތުރުން ފަނޑިޔާރު އަލީ ހަމީދު ދެ ފުލުހުން ވެގެން ވީލް ޗެއާއެއްގައި ގެންދަނިކޮށް ފެނިފައިވާ ކަމަށް ވަކީލް އަލީ ޒާހިރު ވަނީ ވިދާޅުވެފައެވެ.