ގަލޮޅު ދެކުނު ދާއިރާގެ މެމްބަރ އަހުމަދު މަހްލޫފު ފުލުހުންގެ އިދާރާއަށް ހާޒިރު ވުމަށް ޗިޓު ފޮނުވައިފިއެވެ.
މަހްލޫފު ފުލުސް އިދާރާއަށް ހާޒިރުވުމަށް އަންގާފައިވަނީ މާދަމާ ހަވީރު 3 ޖަހާއިރަށެވެ. މަހްލޫފު މިއަދު ފުލުހަށް ހާޒިރުވާން ފޮނުވި ޗިޓާއި އެކު ކުރެއްވި ޓްވީޓުގައި ވިދާޅުވީ ފުލުސް އިދާރާއަށް ހާޒިރު ވާނީ ވަރަށް ކެރިގެން ހައްޔަރުކޮށް ޖަލަށް ލިޔަސް ފަހަތަށް ނުޖެހޭނެކަމަށެވެ. އަދި ވިދާޅުވެފައިވަނީ ބަލިކުރާނެކަމަށެވެ.
Tweet eh kohgen maadhamaa 15:00 ah @PoliceMv ah haasiruvaan alhugandah chit eh libijje. Haasiruvaanee hama varah kerigen,hayyarukoh jalah liyas fahathah jehumeh neiy. Iraadhakureviyya hama balikuraanan @Raajje_tv @vaavu @vfp_mv @Sangu_tv @avasmv @Mihaarunews pic.twitter.com/CzaY1ntQ2l
— Ahmed Mahloof (@AhmedMahloof) February 14, 2018
ފުލުހުން މަހްލޫފްއަށް ފޮނުވި ޗިޓުގައި ބުނެފައިވަނީ މިދިޔަ އަހަރުގެ ޑިސެމްބަރ މަހުގެ 3 ވަނަ ދުވަހު ކުރެއްވި ޓްވީޓެއްގެ މައްސަލާގައި ސުވާލުކޮށް ބަޔާން ނެގުމަށްކަމަށެވެ.
މަހްލޫފު އަކީ މި ސަރުކާރުން 10 މަހަށް ޖަލަށް ލައި ޖަލު ހުކުމް ތަންފީޒުކޮށްފައިވާ ހިތްވަރުގަދަ ފަހުލަވާނެކެވެ.